កក្រើកទៀតហើយ! តារាថៃ ៨ដួង ត្រៀមមកប្រគំតន្ត្រីនៅកម្ពុជាថ្ងៃចូលឆ្នាំខ្មែរ
- 2017-04-11 07:04:21
- ចំនួនមតិ 0 | ចំនួនចែករំលែក 0
កក្រើកទៀតហើយ! តារាថៃ ៨ដួង ត្រៀមមកប្រគំតន្ត្រីនៅកម្ពុជាថ្ងៃចូលឆ្នាំខ្មែរ
ចន្លោះមិនឃើញ
សម្រាប់ទីក្រុងភ្នំពេញនិងតាមបណ្តាខេត្ត ៣ទៀតដូចជា សៀមរាប បាត់ដំបង កំពង់ចាម ការប្រគំតន្រ្តីរបស់ស្រាបៀអាន់ឆ័រ មានការចូលរួមពី តារាថៃ៩ដួងរួចម្តងហើយ ជាក់ស្តែងនៅថ្ងៃបុណ្យចូលឆ្នាប្រពៃណីជាតិខ្មែរខាងមុខនេះ នឹងមានវត្តមានតារាថៃ ៨ដួងទៀត មានដូចជាលោក TONO និងក្រុម The Dust លោក តៅ ស៊ុមឆាយខេមខ្លាត នុម សនរ៉ាម ធេពធីថាក់ និងលោក ប៊ី ឌឹស្តារ នឹងមកប្រគំតន្រ្តីនៅកម្ពុជារបស់ស្រាបៀ Anchor Beach Carnival 2017 ខេត្ត ព្រះសីហនុ ទៀត។
សម្រាប់លោក តៅ ស៊ុមឆាយខេមខ្លាត និង នុម សនរ៉ាម ធេពធីថាក់ នឹងមកប្រគំតន្ត្រីនៅកម្ពុជាត្រូវនឹងថ្ងៃ ចូលឆ្នាំថ្មីប្រពៃណីជាតិខ្មែរ ថ្ងៃទី ១៤ មេសា នៅខេត្តព្រះសីហនុ។
ជាក់ស្តែងលោក TONOនិងក្រុម The Dust ធ្លាប់បានមកចូលរួមការប្រគំតន្រ្តី នេះរួចម្តងហើយកាលពី ថ្ងៃទី២៦ មីនា ខេត្តសៀមរាប។ ហើយលើកនេះក្រុមលោកនឹងមកចូលរួមការប្រគំតន្ត្រីរបស់ស្រាបៀអាន់ឆ័រ ម្តងទៀតនៅថ្ងៃទី១៥ មេសា នៅខេត្តព្រះសីហនុ។
រិីឯតួប្រុសរឿង "សៀវភៅកំណត់ហេតុស្នេហ៍" លោកប៊ី ឌឹស្តារ នឹងមកប្រគំតន្ត្រីនៅកម្ពុជាត្រូវនឹងថ្ងៃ ចូលឆ្នាំថ្មីប្រពៃណីជាតិខ្មែរ ថ្ងៃទី ១៦ ខាងមុខនេះនៅខេត្ត ព្រះសីហនុ ក្នុងព្រឹត្តិការណ៍ប្រគំតន្ត្រី Anchor Beach Carnival 2017។
យ៉ាងណាមិញ
មិនត្រឹមតែការប្រគំតន្ត្រីតែមួយមុខនោះទេ អ្នកគាំទ្រទាំងអស់ថែមទាំងអាចចូលរួមលេងល្បែងប្រជាប្រិយខ្មែរផ្សេងៗ នៅលើឆ្នេរសមុទ្រដ៏ស្រស់ស្អាតផងដែរ ចាប់ពីរសៀលម៉ោង ២ រហូតដល់ម៉ោង ៥ល្ងាច ទាំងបីថ្ងៃ។
កុំភ្លេចចូលរួមព្រឹត្តិការណ៍ប្រគំតន្ត្រី Anchor Beach Carnival 2017 នៅក្រុង កំពង់សោម និងជួបជាមួយម្ចាស់បទ “Jung Wa Hua Jai” ព្រមទាំងតារាថៃច្រើនដួងទៀត នៅទីនោះទាំងអស់គ្នា៕