ជើងខ្លាំងធ្លាប់ទាយឆុតពី Galaxy S8 បន្តបង្ហាញរូប Note 8 ព្រមកម្លាំងម៉ាស៊ីនធុនធ្ងន់!
- 2017-04-18 02:14:58
- ចំនួនមតិ 0 | ចំនួនចែករំលែក 0
ជើងខ្លាំងធ្លាប់ទាយឆុតពី Galaxy S8 បន្តបង្ហាញរូប Note 8 ព្រមកម្លាំងម៉ាស៊ីនធុនធ្ងន់!
ចន្លោះមិនឃើញ
លោក Benjamin Geskin ដែលត្រូវបានគេស្គាល់ថាជាអ្នកវិភាគនិងអ្នករចនាល្បីឈ្មោះមួយរូប បានសម្រេចបន្តបង្ហោះផ្សាយបន្ថែមពីរូបរាង Concept និងលក្ខណៈសម្បត្តិគ្រឿងត្រួសៗរបស់ម៉ូដែល Note 8 ដែលត្រៀមបង្ហាញខ្លួនក្នុងពេលខាងមុខនេះ។
បញ្ជាក់ថាកាលពីមុន ១ សប្តាហ៍ ដល់ថ្ងៃបង្ហាញខ្លួនត្រកូល S8 ចុងខែមិនាកន្លងទៅ លោកក៏ធ្លាប់បង្ហាញពីកម្រងរូបភាព Concept ដូចបេះដាក់ទៅនឹងរូបភាពថ្ងៃបើកសម្ពោធពិតតែម្តង គួបផ្សំនឹងតម្លៃដែលលោកប៉ាន់ស្មានក៏ប្រហាក់ប្រហែលផងដែរ។
ចំណែកឯត្រកូល Note 8 វិញ លោកបានបង្ហាញរូបភាពមួយសន្លឹក បន្ថែមនឹងការលើកឡើង ដោយស្មាតហ្វូនជំនាន់នោះ លោកជឿថានឹងបំពាក់នូវអេក្រង់ Infinity Display ដូចទៅនឹង S8 ដោយមានអេក្រង់ធំទំហំ ៦,៤ អ៊ីញ កម្រិត 4K+ មានប្រព័ន្ធស្កេនក្រញៅដៃ បង្កប់ខាងក្រោមផ្នែកអេក្រង់ មានកាមេរ៉ាភ្លោះពីរគ្រាប់ មានប្រើឧបករណ៍សម្លេង ប្រភេទ Stereo Speakers និងមានថាមពលថ្មធំ ៤,០០០ មីលីអំពែ។
ប្រភព៖ twitter
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
