ដឹងបទពិសោធន៍ស្រកទម្ងន់អស់ ២៣គីឡូ របស់ រ៉ា បូទី

2017-04-19 02:53:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រិយមិត្តមួយចំនួនប្រាកដជាបានស្គាល់ហើយអ្នកចម្រៀងថ្មីរបស់សាន់ដេ រ៉ា បូទី ជាតារាចម្រៀងរូបសម្ផស្សស្រស់ស្អាតសាច់សខ្ចី តែអ្នកប្រហែលជាមិនទាន់ដឹងទេថាពីមុននាងជាមនុស្សស្រីដែលមានរូបរាងធាត់ខ្លាំង។ ថ្ងៃនេះSabay នឹងនាំអ្នកទាំងអស់ទៅដឹងពីអតីតកាល និងបទពិសោធន៍សម្រកទម្ងន់របស់នាងតែម្តង។

អ្នកចម្រៀងពន្លកថ្មីរូបនេះរំលឹកថា ប្រហែលជា២ឆ្នាំមុននាងមានទម្ងន់រហូតដល់៨០គីឡូក្រាមឯណោះ តែឥឡូវនេះនាងមានទម្ងន់តែ៥៧គីឡូប៉ុណ្ណោះ ពោលគឺស្រកអស់២៣គីឡូ។ នាងបន្ត រូបរាងដែលនាងចង់បាននៅពេលនេះគឺ ៥០ គីឡូ។

រ៉ា បូទី ប្រាប់ពីមូលហេតុចង់បានរាងស្គមនេះថា នាងមិនបានធ្វើដើម្បីអ្នកណាទេគឺធ្វើដើម្បីខ្លួនឯងម្នាក់គត់។ "បងធ្វើនេះគឺអត់មានដើម្បីអ្វី ឬ អ្នកណាទេ បងធ្វើដើម្បីខ្លួនឯងតែម្នាក់គត់ ម្យ៉ាងទៀតកាលពេលបងធាត់គេគ្រប់គ្នាចាត់ទុកបងដូចរឿងកំប្លែងអីចឹង ដូច្នេះហើយទើបបងព្យាយាមធ្វើឲ្យបាន។

ដោយចិត្តចង់ស្រកខ្លាំងពេក គ្រាដំបូងនាងបានបង្អត់អាហារ២ ៣ ថ្ងៃទើបញ៉ាំម្ដង។ តែក្រោយនាងសម្រេចបាននៅសល់ត្រឹម៦៨គីឡូ នាងក៏ចាប់ផ្ដើមហាត់ប្រាណ ដើម្បីកុំឲ្យសាច់ និងស្បែកយារធ្លាក់។

នាងរំលឹកថា ពេលនៅទម្ងន់៨០គីឡូនោះ នាងពិបាករកខោអាវស្លៀកពាក់ណាស់ ហើយជាធម្មតាពាក់តែខោអាវ Swag ៗ បែបមនុស្សប្រុសដល់ថ្នាក់គេនិយាយថានាងជាប្រភេទស្រីស្រលាញ់ស្រីទៀតផង។ នាងបញ្ជាក់ថា តាមពិតនាងស្រលាញ់សំលៀកបំពាក់ស្រីណាស់ តែធ្វើម៉េចរូបរាងនាងពាក់មិនសម។

នារីដែលមានបទពិសោធន៍លើសទម្ងន់រូបនេះបញ្ចេញឃ្លាចងក្រោយថា៖ "បងចង់ផ្ដាំទៅស្រីៗដែលមានរាងធាត់ទាំងអស់ថា ត្រូវចាប់ផ្ដើមធ្វើវាពីពេលនេះទៅកុំចាំដល់ថ្ងៃស្អែក ឬ ខានស្អែក មិនចាំបាច់ធ្វើដើម្បីអ្នកណា គឺធ្វើដើម្បីតែខ្លួនឯង និងខោអាវដែលខ្លួនស្រលាញ់បានហើយ"។

ទស្សនារូបថត រ៉ា បូទី ពេលទម្ងន់៨០គីឡូក្រាម៖