ស្ងាត់ៗ HTC ប្រកាសបង្ហាញ OneX10 កំពូលស្មាតហ្វូន បន្ថែម microSD បានដល់ 2TB
- 2017-04-19 05:24:43
- ចំនួនមតិ 0 | ចំនួនចែករំលែក 0
ស្ងាត់ៗ HTC ប្រកាសបង្ហាញ OneX10 កំពូលស្មាតហ្វូន បន្ថែម microSD បានដល់ 2TB
ចន្លោះមិនឃើញ
មុននេះបន្តិចក្រុមហ៊ុនតៃវ៉ាន់ HTC បានប្រកាសបង្ហាញជាផ្លូវការនូវកំពូលស្មាតហ្វូនជំនាន់ក្រោយមួយម៉ូដែលទៀតរបស់ខ្លួន គឺ OneX10 ។ HTC ជំនាន់ថ្មីនេះ ដំណើរការនៅលើប្រព័ន្ធ Android សម្របនឹង HTC Sense របស់ខ្លួន ដោយវាមានបំពាក់នូវបន្ទះឈីប MediaTek Helio P10 មាន CPU Octa-Core ទំហំ 64-bit ដោយមាន RAM 3GB ។
វាមានអង្គចងចាំខាងក្នុងម៉ាស៊ីនទំហំ 32GB ហើយអាចគាំទ្រការបន្ថែម MicroSD ខាងក្រៅ ដល់ទៅ 2TB ឯណោះ ។ ទំហំអេក្រង់ធំ ៥,៥ អីុញ កម្រិត Full HD 1080p មានកញ្ចក់ស្រោបការពារ ជាប្រភេទកញ្ចក់ Corning Gorilla Glass និងមានឧបករណ៍សំឡេងប្រព័ន្ធ BoomSound ។
One10X ក៏អាចគាំទ្រការប្រើប្រាស់ SIM ចំនួន ២ ប្រព័ន្ធ 4G LTE ដូចគ្នា គួបផ្សំនឹងប្រព័ន្ធ Bluetooth ជំនាន់ 4.2 ដោយមានវិមាត្រតួខ្លួន 152.9 x 75.6 x 8.23 មម មានទម្ងន់ស្រាលល្មម ១៧៥ ក្រាម ។ ចំណែកឯកាមេរ៉ាក្រោយទំហំ 16MP ប្រភេទឌីជីថលកាមេរ៉ា និងកាមេរ៉ាមុខទំហំ 8MP ។
ព័ត៌មានទាំងស្រុងខាងលើ ត្រូវបានដកស្រង់ចេញពីគេហទំព័រ HTC របស់ប្រទេសរុស្សីផ្ទាល់ប៉ុន្តែចំពោះតម្លៃ និងការចេញលក់ក្នុងប្រទេសណាខ្លះនោះ គឺមិនទាន់បានបញ្ជាក់ប្រាប់ឡើយ។
ប្រភព htc