មិនធម្មតា! Jun Ji Hyun មានទ្រព្យអចលនទ្រព្យលើសម្ចាស់ផលិតកម្ម YG ទៀត

2017-04-19 10:50:47
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ១៨ ខែមេសា កន្លងទៅនេះ កម្មវិធី "One Night of TV Entertainment"របស់ទូរទស្សន៍ SBS បានលើកឡើងពីការកាន់កាប់អចលនទ្រព្យរបស់ តារាសម្ដែង Jun Ji Hyun។

កាលពីពេលថ្មីៗនេះ តារាស្រីដ៏ល្បីរបស់កូរ៉េខាងត្បូង Jun Ji Hyun ត្រូវគេរាយការណ៍ថា បានទិញ អាគារមួយកន្លែង ដែលមានទីតាំងនៅក្នុងស្រុក Gangnam ក្នុងតម្លៃ ៣២,៥០០ លានវ៉ុន (ប្រហែល ២៨លានដុល្លារអាមេរិក)។

អ្នកជំនាញខាងផ្នែកអចលនទ្រព្យ បាននិយាយពីការវិនិយោគរបស់តារាស្រីរូបនេះដែរថា៖ "នាងបានបង្កើនទ្រព្យរបស់ខ្លួនយ៉ាងខ្លាំង។ អចលនទ្រព្យរបស់នាង អាចមានតម្លៃរហូតទៅដល់ ៥០ ទៅ ៥៥លានវ៉ុន (ប្រហែល ៤៤លានដុល្លារអាមេរិក) បន្ទាប់ពីជួសជុលហើយ” ។

អ្វីដែលអស្ចារ្យមួយទៀតនោះគឺ តួឯកស្រីក្នុងរឿង "Legend of the Blue Sea” រូបនេះទិញអាគារមួយនោះដោយមិនបានទទួលកម្ចីអ្វីទាំងអស់។ វាក៏បានបូកបញ្ចូលទៅក្នុងទ្រព្យសរុបរបស់នាងចំនួន ៧០ប៊ីលានវ៉ុន (ប្រហែល ៦១,២លានដុល្លារអាមេរិក) នៃការកាន់កាប់អចនទ្រព្យរបស់នាងផ្ទាល់ ។ ដោយឡែកលទ្ធផលក៏បានបង្ហាញថា Ji Hyunបានស្ថិតនៅលេខរៀងទី ២ ក្នុងនាមជាតារាដែល មានទ្រព្យសម្បត្តិច្រើន បន្ទាប់ពីម្ចាស់ផលិតកម្ម SM លោក Lee Soo Man ដែលមានទ្រព្យសរុប ១១០ប៊ីលានវ៉ុន (ប្រហែល ៩៦,៣លានដុល្លារអាមេរិក) និង ឈរលេខរៀងនៅលើម្ចាស់ផលិតកម្មYG លោក Yang Hyun Suk ដែលមានទ្រព្យសរុប ៥៣,១ប៊ីលានវ៉ុន (ប្រហែល ៤៦,៥លានដុល្លារអាមេរិក) ក្នុងវិស័យអចនទ្រព្យ៕

ប្រភព៖ Allkpop ប្រែសម្រួល៖ យី សុធារី