ភរិយា David Beckham ទទួលបានគ្រឿងឥស្សរិយយសពីព្រះអង្គម្ចាស់ចក្រភពអង់គ្លេស

2017-04-20 02:49:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាកិត្តិយសដ៏ធំធេងណាស់របស់ គូស្នេហ៍របស់ Victoria Beckham និង ស្វាមី David Beckham ក្នុងឱកាសទទួលបានគ្រឿងឥស្សរិយយស ពីស្ដេចចក្រភពអង់គ្លេស។

តារាចម្រៀងដែលបានវិវត្តខ្លួន ទៅជាអ្នកច្នៃម៉ូដរូបនេះបានប្រារព្វខួបកំណើតរបស់ខ្លួនគម្រប់ ៤៣ឆ្នាំ កាលពីថ្ងៃច័ន្ទ និងបានទទួលមេដាយនៅថ្ងៃពុធម្សិលមិញនេះ ។ ការទទួលបានមហាកិត្តិយសមួយនេះ គឺបន្ទាប់ពី ១៣ឆ្នាំបន្ទាប់ពីស្វាមីរបស់នាង អតីតកីឡាករបាល់ទាត់ David Beckham ទទួលមេដាយដូចគ្នា ប៉ុន្តែខាងវិស័យកីឡា។

ពេលដែល David Beckham ទទួលបានមេដាយ កាលពីជាង ១៣ឆ្នាំមុន

ក្នុងឱកាសដ៏សោមនស្សនោះ អ្នកម្ដាយកូន ៤ រូបនេះក៏បាននិយាយបន្ទាប់ពីទទួលមេដាយថា៖ "ខ្ញុំមានអារម្មណ៍រីករាយបំផុត ដែលបានចូលក្នុងរាជវាំង Buckling ថ្ងៃនេះ។ ខ្ញុំពិតជាមានមោទនភាពជាខ្លាំង ដែលកើតមកជាជនជាតិអង់គ្លេស ហើយក៏មានកិត្តិយស និងសូមលំអោនកាយគោរពទទួលយក គ្រឿងឥស្សរិយយស (OBE) ពីក្សត្រនៃចក្រភពអង់គ្លេស ”។

បន្ថែមពីលើនេះនាងក៏បានបន្តទៀតដែរថា៖ "ប្រសិនអ្នកមានសុបិនដ៏ធំមួយ ហើយប្រឹងប្រែងធ្វើការ អ្នកពិតជាអាចទទួលបានលទ្ធផលដ៏អស្ចារ្យមួយមិនខាន។ ខ្ញុំសប្បាយចិត្តណាស់ ក្នុងការចែករំលែកពេលវេលាដ៏ពិសេស ជាមួយឪពុកម្ដាយ និង ស្វាមីរបស់ខ្ញុំ។ បើគ្មានក្ដីស្រលាញ់ និងការលើកទឹកចិត្តពីពួកគាត់ មហាកិត្តិយសមួយនេះក៏គ្មានដែរ”។