ថ្ម Galaxy S8 មានសញ្ញាសត្វឆ្កែមួយ នេះជាអត្ថន័យវា
- 2017-04-25 04:54:36
- ចំនួនមតិ 0 | ចំនួនចែករំលែក 0
ថ្ម Galaxy S8 មានសញ្ញាសត្វឆ្កែមួយ នេះជាអត្ថន័យវា
ចន្លោះមិនឃើញ
កាលពីសប្ដាហ៍កន្លងទៅគេឃើញមានវីដេអូធ្វើតេស្តលើ Galaxy S8/S8+ បែបប្លែកៗជាច្រើន ហើយក្នុងនោះក៏ឃើញមានវីដេអូហែកមើលគ្រឿងក្នុងរបស់ស្មាតហ្វូនកំពូលនេះដែរ។ ក្នុងវីដេអូហែកមើលគ្រឿងក្នុង អ្នកទស្សនាបានចាប់អារម្មណ៍សញ្ញាចម្លែកមួយលើថ្ម Galaxy S8/S8+ ដែលជាសញ្ញាសត្វឆ្កែ និង មានស្នាមខ្សែមួយឆ្នូត ធ្វើឲ្យអ្នកមួយចំនួនឆ្ងល់ថារូបសញ្ញានេះមានអត្ថន័យដូចម្ដេច។
ថ្ម Galaxy S8/s8+ ជាប្រភេទថ្មមិនអាចដកចេញបានសម្រាប់អ្នកប្រើប្រាស់ទូទៅ ប៉ុន្តែប្រសិនអ្នកចង់ដកថ្មនេះចេញដោយប្រើឧបករណ៍ជំនួយ Samsung ចង់ឲ្យអ្នកដឹងថាមិនត្រូវទុកថ្មដោយប្រហែសនៅជិតសត្វឆ្កែឡើយព្រោះវាថ្មមានជាតិពុលចំពោះសត្វ។ ប្រសិនបើឆ្កែលេបថ្មចូលក្នុងពោះអាចឲ្យបំពង់អាហាររលាក, ក្រហាយ, បាត់បង់ចំណង់អាហារ, រាគ និង របួសបាន។
តាមពិតទៅ Samsung បានដាក់សញ្ញានេះលើថ្មនៃស្មាតហ្វូនរបស់ខ្លួនចាប់តាំងពីឆ្នាំ ២០១៤ នៅពេលក្រុមហ៊ុនប្រកាសចេញ Galaxy S5 និង Galaxy Note 4 ដោយពីមុនមកប្រើសញ្ញាកូនង៉ែតឯណោះទេ។ គេមិនច្បាស់ឡើយថាមូលហេតុអ្វីបានជា Samsung ផ្លាស់ប្ដូរការប្រើរូបសញ្ញានេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
