T-ara នឹងបញ្ចេញអាល់ប៊ុមចុងក្រោយ ខែមិថុនានេះហើយ

2017-04-26 10:23:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រភពផ្ទៃក្នុងមួយពីផលិតកម្ម MBK Entertainment បានឲ្យដឹងថាក្រុមចម្រៀង T-ara នឹងបញ្ចេញអាល់ប៊ុមថ្មីនៅខែមិថុនា ដែលអាល់ប៊ុមនោះគឺជាអាល់ប៊ុមចុងក្រោយហើយ។

T-ara នឹងបញ្ចេញអាល់ប៊ុមចុងក្រោយនៅថ្ងៃទី១ ខែមិថុនានេះហើយ។ ម៉្យាងទៀតសមាជិកក្រុមខ្លះៗ ក៏ជិតផុតកុងត្រាជាមួយផលិតកម្មដែរ។ បើយោងទៅតាមប្រភព សមាជិកក្រុមទាំង ៦រូបនិងមិនចុះកុងត្រាបន្តជាមួយផលិតកម្មដដែលនេះទេ។ កុងត្រារបស់ពួកគេទាំងអស់នឹងផុតកំណត់នៅថ្ងៃទី ១៥ ខែឧសភានេះហើយ។ ចំណែកឯគោលដៅរបស់ពួកគេទៅថ្ងៃអនាគតក៏មិនទាន់ដឹងដែរ។

តំណាងផលិតកម្មបានបញ្ជាក់ដូច្នេះថា៖ "T-ara នឹងបញ្ចេញអាល់ប៊ុមចុងក្រោយរបស់ពួកគេនៅថ្ងៃទី ១ មិថុនា។ នេះគឺជាអាល់ប៊ុមចុងក្រោយរបស់ពួកគេ ហើយយើងបានផ្លាស់ប្ដូរថ្ងៃបញ្ចេញអាល់ប៊ុមពី កាលបរិច្ឆេទដើមដែលគ្រោងទុកថ្ងៃ១៧ខែឧសភា។

T-araនឹងសម្ដែងដើម្បីផ្សព្វផ្សាយមុនថ្ងៃបញ្ចេញអាល់ប៊ុមមួយថ្ងៃគឺថ្ងៃទី ៣១ ខែឧសភា។ តារាចម្រៀងក្រុមនេះបានបញ្ចេញអាល់ប៊ុមតែ១ប៉ុណ្ណោះក្នុងឆ្នាំ ២០០៩ នៅប្រទេសកូរ៉េក្រៅពីនេះគឺអាល់ប៊ុមខ្នាតខ្លី(EP) និងបទចម្រៀងលក្ខណៈឌីជីថល។ ប៉ុន្តែចំពោះនៅប្រទេសជប៉ុនវិញ ពួកគេបញ្ចេញបាន៣អាល់ប៊ុម៕

ប្រភព៖ Koreaboo ប្រែសម្រួល៖ ធារ៉ូ