កូរ៉េខាងជើង គំរាមបាញ់នាវាមុជទឹកអាមេរិក ឲ្យក្លាយជាខ្មោចទឹក ប្រសិនបើ...

2017-05-01 01:30:47
ចំនួនមតិ 0 | ចំនួនចែករំលែក 0

ចន្លោះមិនឃើញ

មេដឹកនាំកូរ៉េខាងជើង គីម ជុងអ៊ុន បានគំរាមបាញ់កម្ទេចនាវាដឹកយន្តហោះចម្បាំង និងនាវាមុជទឹកអាមេរិក ប្រសិនបើវាបន្តចូលមកជិតដែនទឹក របស់ប្រទេសកូរ៉េខាងជើង។ នេះបើតាមការឲ្យដឹងពីគេហទំព័រសារព័ត៌មានអង់គ្លេស Dailymail។

មេដឹកនាំកូរ៉េខាងជើង គីម ជុងអ៊ុន

នាវាមុជទឹកអាមេរិក USS Michigan ប្រភេទ Ohio-class ធំជាងគេបំផុតលំដាប់ទី២ បច្ចុប្បន្ននេះបានចូលចតនៅឯមូលដ្ឋានទ័ពជើងទឹក ក្នុងទីក្រុងប៊ូសាន ប្រទេសកូរ៉េខាងត្បូង ដែលជាកន្លែងចូលរួមសមយុទ្ធ ជាមួយនាវាដឹកយន្តហោះចម្បាំង USS Carl Vinson។

គេហទំព័រឃោសនារបស់កូរ៉េខាងជើង Uriminzokkiri បានព្រមានថា ប្រសិនបើនាវា USS Michigan ព្យាយាមចូលមកជិតសូម្បីតែបន្តិច វានឹងត្រូវខ្ទេចក្លាយជាខ្មោចក្រោមទឹក ជាមិនខាន។ មិនតែប៉ុណ្ណោះ គេហទំព័រឃោសនាមួយនេះ ក៏បានព្រមានដែរថា ពួកគេនឹងបាញ់ពន្លិចនាវាដឹកយន្តហោះចម្បាំងអាមេរិក USS Carl Vinson ប្រសិនបើវាខិតចូលមកជិតប្រទេសផ្ដាច់ការកូរ៉េខាងជើង។

នាវាដឹកយន្តហោះចម្បាំងអាមេរិក USS Carl Vinson

នាវាមុជទឹកអាមេរិក USS Michigan

«ទោះបីវាជានាវាដឹកយន្តហោះចម្បាំង ឬនាវាមុជទឹកនុយក្លេអ៊ែរក្ដី ពួកវានឹងក្លាយជាសំណល់ដែក នៅចំពោះមុខកម្លាំងយោធា ដែលមិនអាចទប់ទល់បានរបស់យើង ដោយផ្ដោតលើការកំញើញនុយក្លេអ៊ែរដើម្បីការពារខ្លួន»។ នេះបើតាមការអះអាងរបស់គេហទំព័រខាងលើ៕

ប្រភព៖ Dailymail ប្រែសម្រួល៖ សេង ឡុង