Apple Watch ចេញ​ម៉ូឌែល​ថ្មី​ NikeLab ដែល​ជា​ស៊េរី special edition ត​ពី​ស៊េរី Apple Watch Nike+ ឬ Series 2 ដែល​​មិន​សូវ​ជា​មាន​ភាព​ខុស​គ្នា​ប៉ុន្មាន​ទេលើ​ការ​រចនា​រូបរាង​ខាង​ក្រៅ ប៉ុន្តែ​ទាក់​ទាញ​ឃើញ​ហើយ​ចង់​បាន​យក​មក​ពាក់​លើ​ដៃ​​ភ្លាមៗ។

យោង​តាម​គេហទំព័រ Nike ឲ្យ​ដឹង​ថា ម៉ូឌែល​ NikeLab នេះ​​លក់​ក្នុង​ចំនួន​កំណត់​មួយ ហើយ​វា​ទើប​​និង​​មាន​វត្តមាន​ផ្លូវ​ការ​លើ​វិបសាយ Nike ម្សិលមិញ​ដែល​​ដាក់​លក់​ក្នុង​តម្លៃ ៣៩៩ ដុល្លារ ជាមួយ​ពណ៍​ប្រផេះ និង​ពណ៍​ខ្មៅ​ ដែល​តម្លៃ​នេះ​ដូច​គ្នា​នឹង​ម៉ូឌែល Apple Watch Sport ដែរ។ ទោះជា​យ៉ាង​ណា ចំពោះ​ NikeLab នៅ​មិនទាន់​អាចបញ្ជា​ទិញ​តាម​វិបសាយ​ផ្លូវការ Apple នៅ​ឡើយ​ទេ។

Apple និង Nike ដែល​បាន​សហការ​​គ្នា​​ដំបូង​តាំង​ពី​ខែ​កញ្ញា​ឆ្នាំ ២០១៦ ផលិតចេញ​នូវ​ម៉ូឌែល Nike+ ដែល​ប្រកាស​ចេញ​ដំណាល​គ្នា​ជាមួយម៉ូឌែល Series 2 ទទួល​បាន​ការ​ចាប់​អារម្មណ៍​គួរ​សម​ដែរ ក្នុង​នោះ​មាន Apple បាន​អនុញ្ញាតិ​ឲ្យ Nike ចេញ​ពី​ម៉ូឌែល​គឺ NIke+ ពណ៍​ប្រាក់ ពណ៍ប្រផេះ​ជាមួយស៊េរី Nike+ bands ផង​ដែរ៕

តោះ! ទៅ​មើល​បន្ដិច​មើល​ ឡូយ​យ៉ាង​ណា​ដែរ?

ប្រភព៖ macrumors | imore   ប្រែ​សម្រួល៖ រក្សា