លោក​ ​Anil Polat​ ​ដែល​ជា​ម្ចាស់​គេហទំព័រ​ធ្វើដំណើរ​ ​និង​ជា​វិស្វករ​ផ្នែក​សន្តិសុខ​កុំព្យូទ័រ​បាន​បង្កើត​ផែនទី​អន្តរកម្ម​មួយ​ ​ដែល​អាច​ផ្ដល់​លេខ​កូដ​សម្ងាត់​ ​(Password)​ ​នៃ​ ​WiFi​ ​គ្រប់​អាកាសយានដ្ឋាន​ជុំវិញ​ពិភពលោក​។

មក​ទល់​បច្ចុប្បន្ន​គាត់​ក៏​នៅ​តែ​បន្ត​ ​Update​ ​ជា​រៀង​រាល់​ថ្ងៃ​ ​នូវ​ប្រព័ន្ធ​ផែនទី​ទំនើប​មួយ​នេះ​ ​ខណៈ​លេខ​សម្ងាត់​តាម​ទីតាំង​នានា​តែង​ផ្លាស់ប្ដូរ​ ​និង​មិន​ទាន់​មាន​គ្រប់​អាកាសយានដ្ឋាន​នោះ​ទេ​ ​ហើយ​ ​Anit Polat​ ​ក៏​មាន​ការ​ជួយ​សហការ​ពី​បុគ្គល​នៃ​អាកាសយានដ្ឋាន​ទាំងឡាយ​ផង​ដែរ។

Polat​ ​ជា​មនុស្ស​ម្នាក់​ធ្លាប់​គិត​ថា​នឹង​ធ្វើ​ដំណើរ​កម្សាន្ត​ជុំ​វិញ​ពិភពលោក​ ​ហើយ​សព្វ​ថ្ងៃ​គាត់​មាន​គេហទំព័រ​ផ្ទាល់​ខ្លួន​មួយ​ ​គឺ​ ​foXoMad​ ​ដែល​ផ្ដោត​សំខាន់​លើ​ការ​ជួយ​មនុស្ស​ឱ្យ​មាន​ភាព​ឆ្លាត​វៃ​ក្នុង​ការ​ធ្វើ​ដំណើរ​។

ប្រិយមិត្ត​អាច​ ​ចុច​តំណ​ភ្ជាប់​នេះ​​ ​ដើម្បីទៅ​កាន់​ផែនទី​បង្ហាញ​ ​Password WiFi ​ ​របស់​លោក​ ​Polat បន្ទាប់​មក​ចុច​លើ​រូប​យន្តហោះ​ពណ៌​ខៀវ​ ​នៅ​ទីតាំង​អាកាសយានដ្ឋាន​ប្រទេស​ ​ឫ​តំបន់​​ណា​មួយ នោះ​វា​នឹង​លោត​ជា​កូដ​សម្ងាត់​នៅ​ផ្នែក​ខាង​ក្រោម​​ពេល​បើក​តាម​ស្មាតហ្វូន​​ ​​និង​ខាង​ឆ្វេង​បើក​តាម​កុំព្យូទ័រ៕

ប្រភព៖ Independent   ប្រែ​សម្រួល៖ រដ្ឋ