ពិធីបុណ្យចម្លែកនៅជប៉ុន យកក្មេងមកប្រកួតយំ ឮជាងគេឈ្នះ
- 2017-05-02 07:43:25
- ចំនួនមតិ 0 | ចំនួនចែករំលែក 0
ពិធីបុណ្យចម្លែកនៅជប៉ុន យកក្មេងមកប្រកួតយំ ឮជាងគេឈ្នះ
ចន្លោះមិនឃើញ
កាលពីថ្ងៃអាទិត្យ កន្លងទៅនេះ មានការប្រកួតទារកយំដ៏ចម្លែកមួយ ហៅថា «Nakizumo» ត្រូវបានធ្វើឡើង នៅឯវិហារ Sensoji Temple ស្ថិតក្នុងស្រុក Asakusa នៃទីក្រុងតូក្យូ ប្រទេសជប៉ុន។
ការប្រកួតមួយនេះត្រូវបានចូលរួមពីទារក ចំនួន១៦០នាក់ ដែលបានកើតនៅក្នុងឆ្នាំ២០១៦ ធ្វើឡើងនៅក្នុងនិទាឃៈរដូវ ដើម្បីប្រារព្ធ និងអធិស្ឋាន សម្រាប់សុខភាព និងការលូតលាស់ទារក។ ទារកទាំងនោះ ត្រូវអ្នកកីឡាកាសស៊ូម៉ូ បីទល់មុខគ្នា រួចធ្វើឲ្យពួកគេស្រែកយំ ដោយប្រើវិធីសាស្ត្រដូចជា ចាប់រលាក់ថ្នមៗ ចាក់ក្រឡេក ឬ ពាក់ស្រោមមុខដើម្បីបន្លាច ជាដើម។
គួរបញ្ជាក់ថា ទារកដែលយំមុនគេ និងឮបំផុត នឹងត្រូវឈ្នះ។ ទារកដែលមានសំណាងបានឈ្នះការប្រកួត នឹងទទួលបានកិត្តិយស និងការអធិស្ឋានឲ្យមានសុខភាពល្អបំផុត មិនឲ្យឆាប់ខឹង ឬកាចឡើយ។ មិនតែប៉ុណ្ណោះ បើតាមប្រពៃណី ទារកនឹងមានអាយុវែង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
