គ្រូ Monaco ថា Juventus មិនមែនដូច Man City ឬ Dortmund ទេ
- 2017-05-03 07:29:26
- ចំនួនមតិ 0 | ចំនួនចែករំលែក 0
គ្រូ Monaco ថា Juventus មិនមែនដូច Man City ឬ Dortmund ទេ
ចន្លោះមិនឃើញ
លោក Leonardo Jardim គ្រូបង្វឹកក្រុម Monaco បានបញ្ជាក់ថាក្លឹប Juventus ខ្លាំងក្នុងតំបន់ការពារ មិនដូចជាក្រុមផ្សេងៗដូចជា Manchester City ឬ Dortmund នោះទេ។
នៅរាត្រីម៉ោង ១:៤៥នាទីនេះ ក្រុម Monaco នឹងត្រូវបើកកីឡដ្ឋានរបស់ខ្លួនស្វាគមន៍ក្រុមភ្ញៀវ Juventus ក្នុងការប្រកួតពានរង្វាន់ UEFA Champions League វគ្គ៤ក្រុមចុងក្រោយ។ មុនការប្រកួតនេះចាប់ផ្ដើម លោក Leonardo បាននិយាយថាក្រុមរបស់លោកត្រូវប្រយ័ត្នឱ្យមែនទែន មិនវាយសម្រុកដោយមិនការពារខ្លួនឯងវិញនោះទេ។ “Juventus ជាក្រុមដែលល្អខាងរៀបចំប្រព័ន្ធការពារ ហើយតំបន់ប្រយុទ្ធរបស់ពួកគេក៏កាន់តែមុតថែមទៀត។ ពួកគេត្រូវការតែឱកាស២ដងទេ ដឹងតែទទួលបានគ្រាប់បាល់១គ្រាប់ហើយ។ Juventus ជាក្រុមមិនដូច Man City Dortmund ដែលយើងអាចស៊ុតបាន៣គ្រាប់ឡើយ”។ សម្ដីរបស់លោកគ្រូបង្វឹក Monaco ។
សូមបញ្ជាក់ថារដូវកាលនេះ Monaco កំពុងតែឡើងជើងមែនទែន ដោយបច្ចុប្បន្នឈរនៅកំពូលតារាងលីគកំពូលបារាំង លើសក្រុមលេខ២ PSG ៣ពិន្ទុ ហើយសល់១ប្រកួតក្នុងដៃថែមទៀត។ ចំពោះក្នុងដីខ្លួនឯងវិញរដូវកាលនេះក្នុងពាន Champions League ពួកគេឈ្នះ៦ដង និងស្មើ១ដង៕