កូនតូចដែល Michael Jackson វិះគ្រវែងពីលើអគារ ពេលនេះកម្លោះស្ដូក
- 2017-05-04 04:11:16
- ចំនួនមតិ 0 | ចំនួនចែករំលែក 0
កូនតូចដែល Michael Jackson វិះគ្រវែងពីលើអគារ ពេលនេះកម្លោះស្ដូក
ចន្លោះមិនឃើញ
កូនប្រុសឥតខាន់ស្លារបស់អតីតស្ដេចចម្រៀងប៉ុប Micheal Jackson ដែលមានឈ្មោះថា Blanket បានរស់ក្នុងភាពអាថ៌កំបាំងពីសាធារណជន ដោយសារឪពុកតែងព្យាយាមបាំងមុខរបស់ខ្លួនពេលចេញទៅក្រៅ។
នៅពេលដែលធំឡើង កូនប្រុសអតីតស្ដេចចម្រៀងប៉ុបរូបនេះ នៅតែលាក់មុខ លាក់មាត់ដដែលពីសំណាក់ប្រព័ន្ធផ្សព្វផ្សាយផ្សេងៗ។ ប៉ុន្តែកន្លងទៅថ្មីៗនេះ ក្មេងប្រុសរូបនេះត្រូវបានឃើញ នៅក្រៅ គឺពិតជាធំច្រើនណាស់ ជាពិសេសមុខដូចឪពុករបស់គេបេះបិទ។ Blanket កើតថ្ងៃទី ២១ ខែកុម្ភៈ ឆ្នាំ ២០០២ ប៉ុន្តែម្ដាយមិនមាននរណាស្គាល់ឡើយ។
អាចនិយាយបានថាជា កិត្តិយសខ្ពស់ណាស់ សម្រាប់ Blanket ដែលត្រូវបានអតីតប្រធានាធិបតីសហរដ្ឋអាមេរិកលោក Bill Clinton បីក្នុងរង្វង់ដៃរ។ ដោយសារ កុមារារូបនេះ ជាក្មេងតូចជាងគេក្នុងគ្រួសារ ទើបត្រូវបានយកចិត្តទុកដាក់ខ្លាំងពីអ្នកគ្រប់គ្នា។
ក្មេងតូចរូបនេះ បានក្លាយជាចំណាប់អារម្មណ៍ពីមហាជនជាច្រើន ចាប់តាំងពីកើតមកម្ល៉េះ ជាពិសេសពេលដែល Micheal ធ្វើលេងរកគ្រវែងគេតាមយ៉ទ។ ប៉ុន្តែដោយសារទង្វើនេះ ឪពុកដែលជាតារាចម្រៀងដ៏ល្បីរូបនេះក៏បានសុំទោសជាសាធារណៈដែរ ហើយលោកបាននិយាយថា នេះគឺដោយសារលោកមានអារម្មណ៍រំភើប ពេលបង្ហាញកូនប្រុសដែលទើបកើត។
តារាចម្រៀង Micheal Jackson គឺជាលោកឪពុកម្នាក់ដែល គិតបារម្ភពីកូនរបស់ខ្លួនមុនគេ។ លោកមិនដែលខកខាន មិនបានអានសៀវភៅឲ្យកូនៗរបស់លោកស្ដាប់ មួយយប់ណាឡើយ។
នៅពេលកូនៗធំឡើង តារាចម្រៀងរូបនេះកាន់តែការពារខ្លាំងជាងមុន។ តាមរយៈការគ្របមុខកូនរបស់លោក ដោយរបាំងមុខ លាក់ពីអ្នកប្រមាញ់រូបថត ហើយវាក៏បានក្លាយជាទម្លាប់របស់ Micheal Jackson ដែរ។
កាលពីតូច កូនស្រីរបស់លោក ឈ្មោះ Paris មិនយល់ពីមូលហេតុ ដែលឪពុករបស់នាងតែងធ្វើបែបនេះទេ ។ លុះធំដឹងក្ដី ទើបនាងយល់ច្បាស់ថា ឪពុកធ្វើបែបនេះ គឺចង់ឲ្យខ្លួនក្លាយជាក្មេងធម្មតា គ្មានភាពរំខានពីខាងក្រៅ។
Blanket ស្រលាញ់ឪពុកខ្លាំងណាស់ ហើយតែងមើលវីដេអូពេលរាំរបស់ Micheal និងព្យាយាមរាំតាមរហូត។
Blanket បដិសេធមិនកាត់សក់ទេ ព្រោះតែចង់ទុកថាជាការចងចាំរបស់ឪពុក។
មកទល់សព្វថ្ងៃ កូនប្រុស Micheal រូបនេះ មានអាយុ ១៥ឆ្នាំ ហើយ បើក្រឡេកមើល មុខគឺពិតជាដូចឪពុកណាស់៕