Neymar និង Messi ផ្ទុយមតិរឿងចង់ឱ្យ Barca នាំកីឡាករថ្មីចូល

2017-05-05 03:32:30
ចំនួនមតិ 0 | ចំនួនចែករំលែក 0

ចន្លោះមិនឃើញ

FC Barcelona កំពុងតែពិបាកសម្រេចចិត្តចំពោះការទិញកីឡាករថ្មីចូលនារដូវក្ដៅខាងមុខ ដោយសារតែកំពូលខ្សែប្រយុទ្ធរបស់ពួកគេ២នាក់ សុទ្ធតែចង់បានកីឡាករខុសគ្នាមករួមក្រុម។

Neymar កំពុងតែព្យាយាមទាក់ទងមិត្តរួមសញ្ជាតិរបស់ខ្លួន Philippe Coutinho យ៉ាងខ្លាំងមួយរយៈចុងក្រោយនេះ ដើម្បីឱ្យកីឡាករ Liverpool មកលេងជាមួយនៅអេស្ប៉ាញ។ ដោយឡែក Lionel Messi វិញ ក៏កំពុងតែបញ្ចុះបញ្ចូលមិត្តរួមសញ្ជាតិរបស់ខ្លួនPaulo Dybala ដូចគ្នា ដោយចង់ឃើញខ្សែបម្រើប្រយុទ្ធវ័យក្មេងរូបនេះ មកលេងជាមួយ។

ដោយសារតែមានការផ្ទុយស្រឡះគ្នាយ៉ាងនេះហើយ ទើបបានជាមានរបាយការណ៍ចេញមកថា ក្លឹប FC Barcelona កំពុងតែពិបាកក្នុងការសម្រេចចិត្ត ដើម្បីនាំយកកីឡាករណាម្នាក់ក្នុងចំណោម២នាក់ខាងលើមកនៅរដូវក្ដៅខាងមុខ។ ខណៈដែលក្លឹបផ្ទាល់វិញ មានឱកាសច្រើនក្នុងនាំយកកីឡាករណាម្នាក់ខាងលើនេះ។

Coutinho ជាកីឡាករសំខាន់ម្នាក់ក្នុងក្រុម Liverpool ដោយរូបគេជាខ្សែបម្រើមានភាពរស់រវើក អាចបត់បែនបានតាមគ្រប់តំបន់។ Liverpool បើលក់កីឡាកររូបនេះចេញ ក៏តម្លៃមិនថោកជាងកាល Suarez ដែរ។ ចំពោះ Dybala វិញ ទើបតែតកុងត្រាជាមួយ Juventus ប៉ុន្តែឱកាសនៃការចាកចេញរបស់គេ នៅតែមានដដែល ប្រសិនណាបើក្លឹបណាមួយហ៊ានឱ្យតម្លៃដល់កម្រិត៕

ប្រភព៖ The Sun ប្រែសម្រួល៖ មុន្នីរម្យ