លម្អិតបន្ថែម ជុំវិញការអះអាង ភ្នាក់ងារសម្ងាត់ ប៉ុនប៉ងសម្លាប់ គីម ជុងអ៊ុន
- 2017-05-06 02:55:26
- ចំនួនមតិ 0 | ចំនួនចែករំលែក 0
លម្អិតបន្ថែម ជុំវិញការអះអាង ភ្នាក់ងារសម្ងាត់ ប៉ុនប៉ងសម្លាប់ គីម ជុងអ៊ុន
ចន្លោះមិនឃើញ
កាលពីថ្ងៃសុក្រ ម្សិលមិញនេះ កូរ៉េខាងជើង បានចោទប្រកាន់ភ្នាក់ងារសម្ងាត់ CIA របស់សហរដ្ឋអាមេរិក និង ភ្នាក់ងារសម្ងាត់ IS របស់កូរ៉េខាងត្បូង ថា បានរួមគំនិតគ្នាធ្វើផែនការសម្លាប់ កំពូលមេដឹកនាំរបស់ខ្លួន គឺ លោក គីម ជុងអ៊ុន។
កូរ៉េខាងជើង បានអះអាងថា ភ្នាក់ងារសម្ងាត់ទាំងនោះ ត្រូវបានជួលឲ្យសម្លាប់បុគ្គលម្នាក់ ឈ្មោះ «Kim» ដោយប្រើសារធាតុគីមី។ នេះបើតាមការឲ្យដឹង ពីក្រសួងសន្តិសុខរដ្ឋកូរ៉េខាងជើង។ កូរ៉េខាងជើង បានអះអាងបន្ថែមថា ផែនការមួយនោះត្រូវបានបរាជ័យ ប៉ុន្តែមិនបានផ្ដល់ព័ត៌មានលម្អិតពីបុគ្គល ឈ្មោះ «Kim» នោះឡើយ។
យ៉ាងណាមិញ ភ្នាក់ងារសម្ងាត់ CIA បានបដិសេធមិនធ្វើអត្ថាធិប្បាយចំពោះការអះអាងនោះឡើយ ខណៈកូរ៉េខាងត្បូង ក៏មិនបានចេញសេចក្តីថ្លែងការណ៍ណាមួយដែរ។
គួរបញ្ជាក់ថា ការអះអាងរបស់កូរ៉េខាងជើង បានធ្វើឡើង ស្របពេលដែលភាពតានតឹង នៅលើឧបទ្វីបកូរ៉េ បន្តកើនឡើងកម្ដៅយ៉ាងខ្លាំង។ ជាមួយគ្នានេះដែរ ប្រធានាធិបតីអាមេរិក លោក ដូណាល់ ត្រាំ បានសន្យាថានឹង «ដោះស្រាយ» បញ្ហាកូរ៉េខាងជើង រួមទាំងបញ្ឈប់ការអភិវឌ្ឍអាវុធនុយក្លេអ៊ែរ របស់ប្រទេសនេះទៀតផង៕