សមាជិក២រូបរបស់ T-ara មិនបានចូលរួមអាល់ប៊ុមចុងក្រោយ

2017-05-07 02:22:04
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីសេចក្ដីប្រកាសរបស់ផលិតកម្ម MBK ថាក្រុមចម្រៀង T-ara នឹងបញ្ចេញអាល់ប៊ុមចម្រៀងលើកចុងក្រោយរបស់ខ្លួននៅខែ មិថុនា ខាងមុខនេះ ពេលនេះផលិតកម្មលើកឡើងជាថ្មីសមាជិក២រូបនឹងមិនបានចូលរួមទេ។

សមាជិក២រូបរបស់ក្រុមចម្រៀង T-ara គឺ Soyeon និង Boram នឹងមិនចូលរួមក្នុងអាល់ប៊ុមចុងក្រោយ មុននឹងបំបែកក្រុមនោះទេ។ ដោយមូលហេតុនោះគឺកុងត្រារបស់អ្នកទាំង២គឺនឹងបញ្ចប់នៅថ្ងៃទី ១៥ ខែឧសភា ខាងមុខនេះ។

“យើងបានចរចាជាមួយអ្នកទាំង២ដែរ តែដំណើរការមិនរលូន ដូច្នេះយើងសម្រេចថាអាល់ប៊ុមចុងក្រោយនេះមានតែសមាជិក៤រូបប៉ុណ្ណោះ ហើយសម្រាប់ថ្ងៃ Comeback មិនទាន់ច្បាស់ដូចគ្នា ព្រោះនៅថតចម្រៀងឡើងវិញ" ផលិតកម្ម MBK លើកឡើង។

ជាក់ស្ដែង MBK ធ្លាប់ប្រកាសថាអាល់ប៊ុមចុងក្រោយនេះ នឹងចេញនៅថ្ងៃទី១ មិថុនា ខាងមុខនេះ ហើយសមាជិកទាំង៦គឺថតបទចម្រៀងក្នុងអាល់ប៊ុមនេះរួចរាល់ហើយ។ ប៉ុន្តែពេលនេះសមាជិក៤រូបដែលនៅសល់ត្រូវថតចម្រៀងឡើងវិញម្ដងទៀត ដោយហេតុផលមិនអាចប្រើប្រាស់ចម្រៀងចាស់ដែលមានសំឡេង Soyeon និង Boram បាននោះទេ៕ ចុចអាន៖ T-ara នឹងបញ្ចេញអាល់ប៊ុមចុងក្រោយ ខែមិថុនានេះហើយ

ប្រភព៖ Allkpop ប្រែសម្រួល៖ Samedy