សម្ដេចតេជោ ហ៊ុន សែន ជំរុញឱ្យអ្នករកស៊ីសង់ផ្ទះតម្លៃថោក លក់ឱ្យមន្ត្រីរាជការ

2017-05-09 02:39:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្លែងនៅក្នុងពិធីសម្ពោធ អគារសាលាខេត្ត និងហេដ្ឋារចនាសម្ព័ន្ធថ្មី ក្នុងខេត្តត្បូងឃ្មុំ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ជំរុញឱ្យអ្នករកស៊ីទាំងឡាយ មកសង់ផ្ទះតម្លៃថោក លក់ឱ្យមន្ត្រីរាជការ និងប្រជាពលរដ្ឋទូទៅ តាមរយៈការបង់រំលស់។

សម្ដេចតេជោ ហ៊ុន សែន មានប្រសាសន៍យ៉ាងច្នេះថា៖ "ប្រសិនបើខ្ញុំជាអ្នករកស៊ី ខ្ញុំនឹងមកសង់ផ្ទះតម្លៃថោកនៅទីនេះ លក់ឱ្យមន្ត្រីរាជការ តាមរយៈការបង់រំលស់ ព្រោះនៅទីនេះជាទីតាំងល្អបំផុត"។ សម្ដេច ហ៊ុន សែន ថ្លែងបន្តទៀតថា អ្នករកស៊ីទាំងឡាយ គួរមកសិក្សាលើទីផ្សារក្នុងខេត្តត្បូងឃ្មុំ អាចសាងសង់ជាសណ្ឋាគារក៏បាន ព្រោះខេត្តនេះ ជាទឹកដីប្រវត្តិសាស្ត្ររបស់កម្ពុជា មានតំបន់ទេសចរណ៍ជាច្រើន គួរឱ្យចាប់អារម្មណ៍។

គួរបញ្ជាក់ផងដែរថា អគារសាលាខេត្ត អគាររដ្ឋបាល និងប្រព័ន្ធហេដ្ឋារចនាសម្ព័ន្ធ នៅក្នុងទីរួមខេត្តត្បូងឃ្មុំ ទើបសាងសង់រួចរាល់ថ្មីៗនេះ បន្ទាប់ពីខេត្តមួយនេះបានកាត់ចេញ ពីខេត្តកំពង់ចាម។ សម្ដេច ហ៊ុន សែន សង្ឃឹមថា ទៅថ្ងៃខាងមុខខេត្តត្បូងឃ្មុំ នឹងមានការរីកចម្រើនខ្លាំងមិនខាន៕

អត្ថបទ៖ វឌ្ឍនៈ