ផលិត​កម្ម​ Warner Bros. Pictures ទើប​តែ​បញ្ចេញ​ Trailer ថ្មី​មួយ​ពី​រឿង Blade Runner 2049 ដែល​ផ្តោត​សំខាន់​លើ​តារា​ជើងចាស់​ពីរ​រូប​គឺ​លោក​ Harrison Ford និង​លោក​ Ryna Gosling ព្រម​ទាំង​​បង្ហាញ​នូវ​ហេតុការណ៍​ថ្មីៗ​​ក្នុង​សាច់​រឿង​ដែល​មិន​គួរ​ឲ្យ​ជឿ។

រឿង​នេះ​បាន​ចូលរួម​សម្ដែង​ដោយ​តារា​ៗ​ជាច្រើន​ដូច​ជា Dave Bautista, Ana de Armas, Sylvia Hoeks, Robin Wright, Mackenzie Davis, Carla Juri, Lennie James, Edward James Olmos និង​ Jared Leto។

៣០​ឆ្នាំ​ក្រោយ​ពី​ហេតុ​ការណ៍​ដែល​បាន​កើត​ឡើង​នៅ​រឿង​ទី១ (Blad Runner ឆ្នាំ​១៩៨២) តួ​អង្គ​ blade runner ថ្មី​ដែល​ជា​ប៉ូលិស​ LAPD Officer K សម្ដែង​ដោយ​​ Ryan Gosling បាន​ជីក​កកាយ​នូវ​អាថ៌​កំបាំង​មួយ ដែល​អាច​មាន​លទ្ធភាព​ធ្វើ​ឲ្យ​សង្គម​មនុស្ស​មាន​ភាព​ចលាចល​។ ការ​រក​ឃើញ​របស់​លោក K បាន​ធ្វើ​ឲ្យ​លោក​ចាប់​ផ្ដើម​បេសកកម្ម​ស្វែង​រក​​ Rick Dekard សម្ដែង​ដោយ​ Harrinson Ford ដែល​ធ្លាប់​ជា​ blade runner ជំនាន់​ចាស់​បាត់បង់​ខ្លួន​អស់​រយៈ​ពេល​ ៣០ ឆ្នាំ។

​​​​​រឿង​នេះ​បាន​ដឹង​នាំ​ថត​ដោយ​ លោក​ Deni Villeneuve ដែល​សរសេរ​ Sreenplay ដោយ​លោក​​ Hampton Fancher និង​លោក​ Michael Green។ រឿង​នេះ​នឹង​ចាប់​ដាក់​បញ្ចាំង​នៅ​ថ្ងៃ​ទី៦​ ខែ​តុលា​ ឆ្នាំ​ ២០១៧ នៅ​សហរដ្ឋ​អាមេរិក៕

សូម​មើល​ Trailer របស់​រឿង​នេះ​ខាង​ក្រោម៖

ប្រភព៖ Comingsoon   ប្រែ​សម្រួល៖ ធារ៉ូ