ប្រុសសង្ហា Elvin Ng នាំអ្នកគាំទ្រ ដើរលេងឡើងម៉ាអស់ដៃ

2017-05-09 07:33:43
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃអាទិត្យ តារាប្រុសដ៏មានប្រជាប្រិយភាពរបស់ប្រទេសសិង្ហបុរី លោក Elvin Ng បានអ្នកគាំទ្ររបស់ខ្លួនដើរកម្សាន្តយ៉ាងរីករាយ។

តារាប្រុសរូបសង្ហា Elvin Ng បានផ្ដល់នូវពេលវេលាដ៏មានអត្ថន័យដល់អ្នកគាំទ្រជាទីស្រលាញ់របស់លោក ចំនួន ២៥នាក់ ដោយបាននាំពួកគេទៅដើរកម្សាន្តពេញមួយថ្ងៃ នៅឯកន្លែងកម្សាន្តដ៏ល្បីក្នុងប្រទេស គឺ Universal Studios Singapore (USS) ។

ការផ្ដល់នូវពេលវេលាដ៏រីករាយជូនដល់អ្នកគាំទ្រ គឺដោយសារតារាប្រុសរូបនេះចង់អរគុណ និងតបស្នងនូវទឹកចិត្តស្រលាញ់របស់ពួកគេចំពោះលោក។ ចំពោះថ្លៃដែល Elvin Ng បានចំណាយសម្រាប់ដំណើរកម្សាន្តមួយនេះ គឺរហូតទៅដល់ ២១០០ដុល្លារសិង្ហបុរី (ប្រហែល ១៤៩១ ដុល្លារអាមេរិក) ទាំងថ្លៃសំបុត្រ និងអាហារថ្ងៃត្រង់។

ក្នុងឱកាសដ៏រីករាយនោះ Elvin បាននិយាយដោយសេចក្ដីអំណរថា៖ "ខ្ញុំតែងដឹងគុណចំពោះ អ្នកគាំទ្រជានិច្ច ទោះបីពួកគេមិនបាននៅក្បែរខ្ញុំដល់ ១២ឆ្នាំកន្លងមកក៏ដោយ។ ពួកគេតែងបង្ហាញមុខគ្រប់កម្មវិធីជាច្រើនដែលខ្ញុំបានចូលរួម ក៏ដូចជាតែងតែជូនដំណើរ និងទទួលខ្ញុំនៅប្រលានយន្តហោះរហូត។ ខ្ញុំពិតជាអរគុណណាស់សម្រាប់ទឹកចិត្តស្រលាញ់គាំទ្ររបស់ពួកគេ ចំពោះខ្ញុំ"៕