ភ្ញាក់ផ្អើលពេលដឹងពីប្រវត្តិសិក្សា ចេន សាយចៃ នៅប្រទេសថៃ

2017-05-10 03:56:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រៅពីមានកេរ្តិ៍ឈ្មោះបោះសំឡេងទាំងក្នុងប្រទេសថៃ និងកម្ពុជាតារាចម្រៀង ខ្មែរសុរិន្ទ អ្នកនាង ចេន សាយចៃ ក៏មានការសិក្សាខ្ពង់ខ្ពស់ផងដែរ។

ចេន សាយចៃ បានប្រាប់ Sabay ថា ទោះបីជាមានអាជីពជាអ្នកចម្រៀងក្ដីតែខ្លួនមិនបានបោះបង់ការសិក្សាចោលនោះទេ នាងត្រូវចាប់យកទាំងពីរតែម្ដងដោយខិតខំប្រឹងប្រែងរៀនសូត្ររហូតដល់ចប់ថ្នាក់ បរិញ្ញាបត្រ និងអនុបណ្ឌិត ជាបន្តបន្ទាប់នៅសាកលវិទ្យាល័យមួយក្នុងប្រទេសថៃ។

ម្ចាស់បទ "ឪពុកខ្ញុំជាប៉ូលិសចរាចរណ៍" បានបន្ថែមថា នាងបានបញ្ចប់ថ្នាក់បរិញ្ញាបត្រ ផ្នែកកសិកម្ម ។ ក្រោយពីបញ្ចប់ការសិក្សាផ្នែកកសិកម្មរួចមក នាងមិនបានយកចំណេះដឹងដែលបានរៀនទៅប្រើប្រាស់ឡើយ ព្រោះរៀនខុសជំនាញជាអ្នកសិល្បៈបែរជាទៅរៀនផ្នែកកសិកម្មទៅវិញ ។ តែពេលបន្តយកថ្នាក់អនុបណ្ឌិតទើបនាងចាប់យកការសិក្សាផ្នែកសិល្បៈវប្បធម៌ ព្រោះត្រូវជាមួយការងារសិល្បៈដែលប្រឡូកសព្វថ្ងៃនេះ។

“ចំពោះរឿងបន្តយកថ្នាក់បណ្ឌិតខ្ញុំអត់ទាន់ដឹងទេ ខ្លាចអត់មានពេលវេលាគ្រប់គ្រាន់ព្រោះឥឡូវនេះខ្ញុំជាប់រវល់ជាមួយការងារសិល្បៈច្រើនណាស់ ត្រូវឡើងចុះពីខេត្តសុរិន្ទ មកកម្ពុជា អត់ទៀងទាត់ តែបើមានឱកាសថ្ងៃណាមួយខ្ញុំនឹងរៀន"។ ចេន សាយចៃ ថ្លែង៕

អត្ថបទ៖ ឆុង ស៊ីណាន