មិនគួរជឿ! ស្ត្រីម្នាក់សម្រាលកូនបានទម្ងន់ជាង ៧គីឡូក្រាម
- 2017-05-11 07:04:17
- ចំនួនមតិ 0 | ចំនួនចែករំលែក 0
មិនគួរជឿ! ស្ត្រីម្នាក់សម្រាលកូនបានទម្ងន់ជាង ៧គីឡូក្រាម
ចន្លោះមិនឃើញ
ស្ត្រីជនជាតិនូវែលហ្សេឡង់ម្នាក់បានសម្រាលកូនទម្ងន់ ៧,៤គីឡូក្រាម គឺជិតស្មើពីរដងនៃទារកទើបកើតធម្មតា និងបណ្ដោយខ្លួន ៥៧សង់ទីម៉ែត្រ វែងជាងទារកធម្មតា ៧សង់ទីម៉ែត្រ។
ដំបូងឡើយក្រុមគ្រូពេទ្យប្រាប់ថា កូននេះនឹងធំខុសធម្មតាដែលធ្វើឲ្យឪពុកម្ដាយក្មេងភ្ញាក់ផ្អើលខ្លាំង។ ដល់ពេលគ្រប់ខែ មើលស្ថានភាពពោះធំខុសប្រក្រតី គ្រូពេទ្យសម្រេចវះកាត់សម្រាលកូននៅមន្ទីរពេទ្យ Wellington Hospital នៃទីក្រុង Wellington បន្ទាប់ពីព្យួរសេរ៉ូមម្ដាយអស់ ៣ម៉ោង។
បើតាមប្រភពសារព័ត៌មានននូវែលហ្សេឡង់ Stuff បានផ្សាយថា ឪពុកម្ដាយទារកមិនខ្ពស់ និងមាឌធំទេ ហើយពួកគាត់ក៏ឆ្ងល់ដែរហេតុអ្វីកូនពួកគាត់ធំយ៉ាងនេះ។ ប៉ុន្តែគាត់ប្រាប់ថា កូនប្រុសបងពេលកើតក៏ថ្លោសដែរ គឺទម្ងន់ ៥,៤គីឡូក្រាម។
បើគេក្រឡេកទៅមើលកំណត់ត្រា Guinness World Record វិញ ទារកកើតក្នុងឆ្នាំ ១៨៧៩ សញ្ជាតិកាណាដា ជាម្ចាស់កំណត់ត្រាពិភពលោក គឺទម្ងន់ ១០,៦គីឡូក្រាម និងបណ្ដោយខ្លួន ៧៦,២សង់ទីម៉ែត្រ៕