កុំព្យូទ័រជាង ១០ ម៉ឺនគ្រឿងកំពុងត្រូវបច្ចេកវិទ្យាអាមេរិកចាប់ជំរិត

2017-05-13 08:35:05
ចំនួនមតិ 0 | ចំនួនចែករំលែក 0

ចន្លោះមិនឃើញ

Ransomware ដែលជាបច្ចេកវិទ្យារបស់វិទ្យាស្ថានស្រាវជ្រាវជាន់ខ្ពស់របស់អាមេរិក NSA កំពុងអុកឡុកពេញពិភពលោក ក្រោយមិនអាចគ្រប់គ្រងបាន ខណៈកុំព្យូទ័រជាង ១០ ម៉ឺនគ្រឿងតាមបណ្ដាប្រទេសប្រមាណ៩៩ ជុំវិញពិភពលោកកំពុងគាំងក្រោយឆ្លងមេរោគនេះ។

កុំព្យូទ័រដែលជួបបញ្ហាគឺជាប្រភេទប្រើភ្ជាប់នឹងម៉ាស៊ីនមេ (Server) ហើយកុំព្យូទ័រតាមមន្ទីរពេទ្យ ចំណតរថភ្លើងក្រោមដី ក្រុមហ៊ុនឯកជន និងសាលារៀនជាច្រើនក្នុងចក្រភពអង់គ្លេស សហរដ្ឋអាមេរិក ចិន រុស្សី អេស្ប៉ាញ និងអ៊ីតាលី បានទទួលរងការវាយប្រហារច្រើនជាងគេ។

កុំព្យូទ័រដែលឆ្លង Ransomware

ករណីនេះ លោក Edward Snowden ដែលជាអតីតអ្នកជំនាញរបស់ NSA ថ្លែងថា នេះជាកំហុសរបស់អាមេរិកដែលបង្កើតឲ្យមានបច្ចេកវិទ្យាខ្ពស់ហួសមិនអាចគ្រប់គ្រងបាន។ បច្ចុប្បន្នគ្មាននរណាអាចកំណត់ទីអត្តសញ្ញាណនៃក្រុម Hacker ដែលជ្រៀតគ្រប់គ្រង និងសាយភាយ Ransomware នោះទេ។

ដើម្បីបីជាថ្នូរនឹងការបើកឲ្យដំណើរការកុំព្យូទ័រដែលជាប់គាំងទាំងនោះវិញ Hacker បានកំណត់ឲ្យមានការដោះដូរជាប្រាក់ប្រមាណ៣០០ ដុល្លារក្នុងមួយគ្រឿង ប៉ុន្តែបញ្ជូនជា Bitcoin ដែលជារូបិយប័ណ្ណអេឡិចត្រូនិកថ្មីមួយប្រភេទដែលចរាចរណ៍តាមប្រព័ន្ធអ៊ីនធឺណិត ហើយមានតម្លៃខ្ពស់ជាងប្រាក់ដុល្លារ (១Bitcoin ស្មើ ១៦៩៧ ដុល្លារ)៕