អបអរ! ស្រីស្អាតអ្នកវិទ្យាសាស្រ្តនុយក្លេអ៊ែរ ក្លាយជាម្ចាស់មកុដបវរកញ្ញាអាមេរិកឆ្នាំ ២០១៧

2017-05-15 04:52:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្ចាស់មកុដបវរកញ្ញាអាមេរិកប្រចាំឆ្នាំ ២០១៧ ត្រូវបានរកឃើញហើយគឺបានទៅលើ ស្រីស្អាតមកពីសាធារណរដ្ឋកូឡុំប៊ី ។

កាលពីថ្ងៃអាទិត្យម្សិលមិញ កម្មវិធីផ្សាយផ្ទាល់ដ៏អស្ចារ្យ "Miss USA 2017" ត្រូវបានប្រព្រឹត្តទៅនៅក្នុងទីក្រុង Las Vegas និងបានរកឃើញបវរកញ្ញាគ្រងតំណែងប្រចាំឆ្នាំហើយ ។ ស្រីស្អាតរូបនោះមានឈ្មោះថា Kara McCullough មានអាយុ ២៥ឆ្នាំ មកពី District of Columbia ។

Kara McCullough គឺជាអ្នកវិទ្យាសាស្ត្រផ្នែកនុយក្លេអ៊ែរ នៅ "United States Nuclear Regulatory Commission "។ នាងបានក្លាយជាបរវរកញ្ញាមួយរូបទៀតហើយរបស់រដ្ឋ District of Columbia បន្ទាប់ពីនាង Deshauna Barber ដែលបានគ្រងតំណែងនេះកាលពីឆ្នាំមុន។

អំឡុងពេលប្រកួតនាងត្រូវបានសួរពីបញ្ហាទាក់ទងនឹងការថែទាំសុខភាព ដែលពេលនោះនាងឆ្លើយបានយ៉ាងល្អ ដែលនាំឲ្យនាងបានឈានមកដល់វគ្គផ្ដាច់ព្រ័ត្រជាបន្ត។

McCullough ត្រូវបានក្លាយជាបវរកញ្ញាដែលស្ថិតក្នុងវគ្គផ្ដាច់ព្រ័ត្រជាមួយ បវរកញ្ញារដ្ឋ New Jersey នាង Chhavi Verg និងបវរកញ្ញារដ្ឋ Minnesota នាង Meridith Gould ។

បេក្ខនារីក្នុងវគ្គផ្ដាច់ព្រ័ត្រទាំងអស់ត្រូវបានសួរពីនិយមន័យនៃ "នារីភេទ” តើពួកគេយល់យ៉ាងណា។ ខណៈនោះ McCullough បាននិយាយថា នាងមិនចង់ប្រើពាក្យ "នារីភេទ” ទេ ដោយចង់ប្រើពាក្យផ្សេងវិញគឺ "សមភាព” ព្រោះនាងគិតថា ស្រ្តីក៏មានសិទ្ធិស្មើគ្នានឹងបុរសដែរ ជាពិសេសនៅកន្លែងធ្វើការ

ជារួមតាមរយៈ រូបសម្រស់ និងភាពវៃឆ្លាតផ្នែកចំណេះដឹងរបស់បេក្ខនារីរូបនេះហើយ ទើបបានធ្វើឲ្យនាងក្លាយជាបវរកញ្ញាអាមេរិកប្រចាំឆ្នាំ ២០១៧នេះ៕

ចុចអាន៖ Wow! Yaya ត្រូវបានអញ្ជើញឲ្យចូលរួមកម្មវិធីបង្ហាញម៉ូដផលិតផលម៉ាកល្បី LV នៅជប៉ុន

ប្រភព៖ People ប្រែសម្រួល៖ យី សុធារី