Jiyeon ស្រក់ទឹកភ្នែក ក្នុងថ្ងៃប្រគំតន្ត្រីជុំគ្នាលើកចុងក្រោយរបស់ T-ara
- 2017-05-15 06:39:06
- ចំនួនមតិ 0 | ចំនួនចែករំលែក 0
Jiyeon ស្រក់ទឹកភ្នែក ក្នុងថ្ងៃប្រគំតន្ត្រីជុំគ្នាលើកចុងក្រោយរបស់ T-ara
ចន្លោះមិនឃើញ
ក្នុងការប្រគំតន្ត្រីចុងក្រោយជុំគ្នា របស់ T-araជាមួយសមាជិកទាំង ៦នាក់ បានបញ្ចប់ទៅដោយទឹកភ្នែកទាំងសមាជិកក្នុងក្រុម និងអ្នកគាំទ្រទាំងអស់។
កាលពីថ្ងៃទី ១៣ ខែឧសភាសប្ដាហ៍មុនក្រុមចម្រៀង T-ara មានការប្រគំតន្ត្រីមួយ ជាមួយសមាជិកក្នុងក្រុមទាំង ៦នាក់ ក្នុងទីក្រុង Taipei ប្រទេស Taiwan មុនពេលដែលកុងត្រារបស់សមាជិក២រូប Soyeon និង Boram ត្រូវបានបញ្ចប់នៅថ្ងៃទី ១៥។
ក្នុងការប្រគំតន្ត្រីនោះ សង្កេតឃើញថា សមាជិក T-ara ទាំងអស់បានបង្ហាញនូវទឹកចិត្តអរគុណចំពោះអ្នកគាំទ្ររបស់ខ្លួន ដែលបានចូលរួមការប្រគំតន្ត្រីចុងក្រោយរួមគ្នារបស់ពួកគេ។ អំឡុងពេលបញ្ចប់កម្មវិធី T-ara បានពាក់អាវដែលមានសរសេរអក្សរថា "FOREVER T-ara” និងអរគុណអ្នកគាំទ្ររបស់ពួកគេសម្រាប់អ្វីគ្រប់យ៉ាង ។
នៅពេលនោះដែរ អ្នកគាំទ្របាននាំគ្នាស្រែកហៅឈ្មោះ T-ara ម្ដងហើយម្ដងទៀត ដែលនាំឲ្យ Jiyeon ស្រក់ទឹកភ្នែក ពោរពេញដោយអារម្មណ៍ក្ដុកក្ដួល។ ជាពេលវេលាដែលមិនអាចបំភ្លេចបាន និងពេញដោយអត្ថន័យដ៏ជ្រាលជ្រៅបង្ហាញពីទឹកចិត្តទាំងក្រុមចម្រៀង និងអ្នកគាំទ្ររបស់ពួកគេ។
យ៉ាងណាក្ដី T-ara នឹងត្រៀមចេញអាល់ប៊ុមថ្មីមួយទៀតរបស់ពួកគេ ជាមួយសមាជិកដែលនៅសល់ ៤នាក់ ក្នុងខែមិថុនាខាងមុខ៕
ចុចអាន៖ សមាជិក២រូបរបស់ T-ara មិនបានចូលរួមអាល់ប៊ុមចុងក្រោយ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
