ហេតុតែចង់ជួបមុខកូនប្រុស ឃ្មឹប សុខចិត្តខ្ចីលុយគេឡើងមកភ្នំពេញ

2017-05-16 02:36:50
ចំនួនមតិ 0 | ចំនួនចែករំលែក 0

ចន្លោះមិនឃើញ

យប់មិញនេះ អតីតតារាកំប្លែងនាងឃ្មឹម បានបញ្ជាក់ច្បាស់នៅក្នុងវីដេអូផ្សាយផ្ទាល់របសTVFB ថានាងបានដើរខ្ចីលុយគេដើម្បីឡើងមកជួបមុខកូននៅភ្នំពេញ។

ក្នុងវីដេអូដដែល នាងបញ្ជាក់ថា ក្រោយពីនាងបានដឹងពីដំណឹងថាកូនប្រុសរបស់ខ្លួនត្រូវបានចាប់ខ្លួនពីបទឃាតកម្មសម្លាប់ម្ដាយចុង នាងបានស្រវេស្រវាដើរខ្ចីលុយគេបាន៥០០បាត ដើម្បីធ្វើដំណើរពីខេត្តបន្ទាយមានជួយមកជួបមុខកូននៅភ្នំពេញ។

“ខ្ញុំដឹងដំណឹងតាំងពីថ្ងៃលោកហុងដា Live ពីរឿងប្រពន្ធស្លាប់ហ្នឹងខ្ញុំចង់ឡើងមកភ្នំពេញភ្លាមដែរ តែគ្មានលុយគ្រប់គ្រាន់ទេ ហើយខ្ញុំទើបតែមកដល់នៅយប់នេះឯងព្រោះប្អូនទើបតែឲ្យខ្ចីលុយបាន៥០០បាត" ។ឃ្មឹប ថ្លែង។

ស្របពេលនោះនាងរំលឹកថា រយៈពេលដែលបាត់មុខនេះ គឺនាងទៅរស់នៅខេត្តបន្ទាយមានជ័យ ធ្វើស្រែចម្ការជាមួយឪពុក ដោយមិនបានផិតប្ដីទៅយកទៅរៀបការជាមួយបុរសនៅអាមេរិកឡើយ។ ឯមូលហេតុដែលលែងលះជាមួយហុងដា ក្នុងអំឡុងឆ្នាំ២០១០ នោះ ព្រោះអ្នកទាំងរស់នៅមិនចុះសម្រុងគ្នា បូករួមនឹងនាយហុងដា មានស្រី ហើយលេងល្បែងស៊ីសងទៀតផង។

នាងក៏បានបញ្ជាក់ទៀតថា ក្រោយមកនាងបានមានប្តីថ្មី មែនក្រោយបែកបាក់ជាមួយនាយហុងដា បាន៤ឆ្នាំ និងមានកូនម្នាក់ឈ្មោះ រ៉ង់ ម៉ារីនីត តែជាអកុសលនាងបានលែងលះជាមួយប្តីក្រោយទៀតហើយ។

អត្ថបទ៖ សុខណា