ប្រើ TeamViewer អាចបញ្ជាកុំព្យូទ័រអ្នកដទៃគ្មានបញ្ហា ទោះនៅឆ្ងាយគ្នារាប់ពាន់គីឡូដី

2017-05-17 03:04:43
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចុប្បន្នអាជីវកម្មជាច្រើនសុទ្ធសឹងតែតម្រូវឱ្យមានការប្រើប្រាស់នូវឧបករណ៍អេឡិចត្រូនិកកុំព្យូទ័រ។ ធ្លាប់គិតទេ? ចុះបើថ្ងៃណាមួយយើងចង់បង្រៀនដៃគូសហការឫមិត្តភ័ក្ដិពីវិធីសាស្ត្រប្រើប្រាស់មុខងារអ្វីមួយនៅលើកុំព្យូទ័រ ប៉ុន្តែគេនៅឆ្ងាយពីយើងដល់ក្រៅប្រទេស តើយើងនឹងរកដំណោះស្រាយបែបណា?

តាមពិតទៅគឺងាយបំផុត Sabay ជឿថាមានប្រិយមិត្តមួយចំនួនតូចបានស្គាល់រួចមកហើយនូវកម្មវិធី TeamViewer ដែលយើងប្រើវាសម្រាប់ធ្វើការបញ្ជា (Remote) នៅលើកុំព្យូទ័ររបស់នរណាម្នាក់ មិនថានៅទីណានោះឡើយ ឱ្យតែមានប្រព័ន្ធអ៊ីនធឺណិតកំពុងដំណើរការ និងស្គាល់ពី ID កំណត់របស់កុំព្យូទ័រនោះ។

១.អ្នកអាចចុចទាញយក TeamViewer នៅត្រង់នេះ (http://filehippo.com/download_teamviewer/) ២.ក្រោយទាញយកចប់ សូមធ្វើការ Install ហើយបើកដំណើរការកម្មវិធី ៣.សួររកនូវ ID នៃកុំព្យូទ័រអ្នកម្ខាងទៀត ហើយវាយបញ្ចូលនូវប្រអប់ Partner ID > ចុច Connect to Partner ៤.វាយបញ្ចូលជាបន្តនូវលេខកូដ Password នៃកុំព្យូទ័ររបស់អ្នកម្ខាងទៀត ៥.ក្រោយបញ្ចប់ចំណុចខាងលើរួចហើយ អ្នកនឹងលោតចេញផ្ទាំងធំមួយ ដែលយើងអាចធ្វើការបញ្ជា (Remote) ដោយប្រើប្រាស់ Mouse និង Keyboard ពីខាងយើង ប៉ុន្តែអាចបញ្ចូលទិន្នន័យការចុចបើកអ្វី ផ្សេងនៅលើកុំព្យូទ័រអ្នកម្ខាងទៀតនោះ។

យ៉ាងណាមិញបើប្រិយមិត្តមានចម្ងល់ មិនជាក់ច្បាស់ត្រង់ចំណុចណាមួយ អ្នកអាចធ្វើការ Comment នៅប្រអប់ខាងក្រោម ដើម្បីឱ្យក្រុមការងារយើងខ្ញុំរីករាយក្នុងការផ្ដល់ដំណោះស្រាយយ៉ាងសមស្របទៅវិញសម្រាប់អ្នករាល់គ្នា។

អត្ថបទ៖ កៅ រក្សា