រឿង King Arthur: Legend of the Sword អាចខាតបង់ប្រាក់ដល់ទៅ១៥០លានដុល្លារ

2017-05-27 00:02:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ភាពយន្តថ្មី King Arthur: Legend of the Swordរបស់អ្នកដឹកនាំរឿង Guy Ritchie បានក្លាយជារឿងមួយដែលបរាជ័យខ្លាំងនៅដើមរដូវក្ដៅឆ្នាំនេះ ដែលអាចខាតបង់ថវិកាដល់ទៅ១៥០លានដុល្លារឯណោះ។

រឿងនេះបានចាប់ដាក់បញ្ចាំង១សប្ដាហ៍បន្ទាប់រឿង Guardians of the Galaxy Vol. 2 បានបញ្ចាំងនៅក្នុងបណ្ដារោងកុន។ ប៉ុន្តែ Guardians វគ្គ២ នៅតែស្ថិតនៅតារាងកំពូលនៃរឿងដែលរកចំណូលបានច្រើនបំផុតប្រចាំសប្ដាហ៍។ សម្រាប់រឿង King Arthur: Legend of the Sword វិញ ភាពយន្តនេះចំណាយដើមទុនដើម្បីថតដល់ទៅ ១៧៥លានដុល្លារឯណោះ ប៉ុន្តែសម្រាប់សប្ដាហ៍ដំបូងនៃការដាក់បញ្ចាំង ភាពយន្តនេះមានលទ្ធភាពរកចំណូលបានតែ ១៥.៤លានដុល្លារតែប៉ុណ្ណោះ។ ចំនួននេះមិនត្រឹមតែចាញ់រឿង Guardians វគ្គ២ នោះទេ ព្រមទាំងចាញ់រឿង Snatched របស់តារាសម្ដែង Amy Schumer ទៀតផង។ លទ្ធផលនេះបង្ហាញថា King Arthur បរាជ័យខ្លាំងក្នុងការរកចំណូលសម្រាប់ក្រុមហ៊ុន Warner Bros។

Charlie Hunnam ក្នុងរឿង King Arthur

Jude Law ក្នុងរឿង King Arthur

បើយោងទៅតាម THR វាត្រូវបានគេប៉ាន់ស្មានថាការបរាជ័យនេះនឹងខាតបង់ដល់ក្រុមហ៊ុន WB និង Village Roadshow ដល់ទៅ១៥០លានដុល្លារ។ អ្នកវិភាគបានប៉ាន់ប្រមាណថាភាពយន្តនេះនឹងរកចំណូលបានតែ ១៤៥លានដុល្លារតែប៉ុណ្ណោះទូទាំងពិភពលោក។ បើតាមអ្នកវិភាគប្រាក់ចំណូលភាពយន្ត (Box Office) លោក Jeff Bock បានប្រាប់ថា នេះអាចមកពីបញ្ហានៃការផ្សព្វផ្សាយភាពយន្ត និង តួសម្ដែងល្បីមិនដល់កម្រិត។ លើសពីនេះរឿងនេះ ទទួលបានភាពអវិជ្ជមានជាច្រើនពីសំណាក់អ្នកស្រលាញ់វិស័យភាពយន្តដែលមិនអាចជួយអ្វីបាន។ ម្យ៉ាងវិញទៀតគឺដោយសារតែមនុស្សភាគច្រើន ស្រលាញ់និងចាប់អារម្មណ៍ពីរឿងថ្មីរបស់រឿងវីរបុរសរបស់ Marvel (MCU) ជាជាងរឿងព្រេងនិទានរបស់ King Arthur៕

ប្រភព៖ ScreenRant ប្រែសម្រួល៖ ធារ៉ូ