អ្នកអាប់ដេតឡើងទៅ iOS 10.3.2 កំពុងជួបបញ្ហាក្រពុលមុខ
- 2017-05-18 09:44:29
- ចំនួនមតិ 0 | ចំនួនចែករំលែក 0
អ្នកអាប់ដេតឡើងទៅ iOS 10.3.2 កំពុងជួបបញ្ហាក្រពុលមុខ
ចន្លោះមិនឃើញ
ប៉ុន្មានថ្ងៃមុន Apple បានបញ្ចេញការអាប់ដេត iOS ជំនាន់ថ្មី 10.3.2 ដោយអះអាងថាមានជួសជុលបញ្ហា និង ធ្វើឲ្យដំណើរការកាន់តែរលូនជាងមុន។ យ៉ាងណាក្ដីជាមួយ iOS ជំនាន់ថ្មីនេះ អ្នកប្រើប្រាស់មួយចំនួនកំពុងតែជួបប្រទះបញ្ហាខ្លះ។
បញ្ហាដែលអ្នកប្រើប្រាស់មួយចំនួនកំពុងជួបប្រទះគឺស៊ីថ្មខុសប្រក្រតី ដោយអ្នកប្រើ iPhone 6 ម្នាក់មានគណនី Twitter ឈ្មោះ Michael Turki ជួបបញ្ហាថ្មធ្លាក់ចុះពី ៤០% មកនៅ ០% ក្នុងពេលមួយពព្រិចភ្នែក ហើយ ពេលខ្លះទូរសព្ទរលត់ដោយខ្លួនឯងទៀត។
ចំណែកអ្នកប្រើ Twitter ឈ្មោះ Marcela Visco ក៏ជួបបញ្ហាថាមពលថ្មឆាប់អស់ជាងមុន ប៉ុន្តែមិនមានរលត់ទូរសព្ទញឹកញាប់ឡើយ។ ត្រង់បញ្ហាកើតឡើងខុសប្រក្រតីលើ iOS 10.3.2 នេះអ្នកជំនាញណែនាំថាអ្នកប្រើ iOS ជំនាន់មុន គួរកុំអាប់ដេតឡើងទៅ iOS 10.3.2 ឲ្យសោះ ពុំនោះទេអ្នកអាចនឹងក្លាយជាអ្នករងគ្រោះម្នាក់ជាមិនខាន។
ដោយឡែកសម្រាប់អ្នកដែលអាប់ដេតទៅ iOS 10.3.2 រួចហើយនោះ អាចដោះស្រាយបញ្ហានេះបានដោយធ្វើការ Downgrade (ទម្លាក់ Version)។ បច្ចុប្បន្នអ្នកអាចទម្លាក់ Version iOS ទៅត្រឹម iOS 10.3.1 ហើយបើសិនចង់ទម្លាក់ Version គួរធ្វើឲ្យបានឆាប់រហ័សបំផុតព្រោះ Apple អាចនឹងបិទលែងឲ្យទម្លាក់ក្នុងពេល ២-៣ សប្ដាហ៍ទៀតប៉ុណ្ណោះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
