ដឹងទេ ការផុសរបស់មនុស្សប្រុសឫស្រី ដែលទទួលបាន Like ច្រើនជាងនៅលើ Instagram?

2017-05-20 03:48:17
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ដាញសង្គម Instagram ឫយុវវ័យនិយមហៅថា IG បច្ចុប្បន្នហាក់បីមានសន្ទុះគាំទ្រខ្ពស់បន្ទាប់ពី បណ្ដាញសង្គម Facebook ។ តើអ្នកធ្លាប់ដឹងទេ រវាងការផុសរបស់មនុស្សប្រុសនិងស្រី នៅលើ IG មួយណាទទួលបាន Like ច្រើនជាងគេ?

ក្រោយការស្រាវជ្រាវនៃការផុសរាប់លាននៅលើ Instagram ក្រុមការងារ Hopper HQ បានផ្តល់ចម្លើយថា ការផុសរបស់មនុស្សស្រីទទួលការចូលចិត្ត (Like) និង Comment ច្រើនជាងមនុស្សប្រុសដល់ទៅ ៥ ដងឯណោះ។ មានប្រមាណ ១,២ លានផុសនិងជាង ៤ ពាន់គណនី ត្រូវបានរកឃើញ ជាមធ្យមមនុស្សស្រីទទួលបាន ៥៧៨ Like និង Comment ខណៈមនុស្សប្រុសទទួលបានត្រឹម ១១៧ ដោយឡែកបើនិយាយពី Comment សុទ្ធ មនុស្សស្រីទទួលបាន ១៧០ ធៀបនឹងមនុស្សប្រុស ១១៣ ដែលមានការឈ្នះបន្តិចបន្តួច។

ក្រុមការងារខាងលើបន្តថា តាមពិតទៅចំនួនអ្នកប្រើប្រាស់ IG ក៏ច្រើនតែជាមនុស្សស្រី ចំណែកឯ បុរសបើលើកឡើងពីផុសដែលនិយមទទួលបាន Like ច្រើនបង្អស់នោះ គឺទាក់ទងការនិយាយអំពីកីឡានិងកាយសម្បទា។ ទៀតសោតបើនិយាយជារួម រាល់ផុសដែលទាក់ទងនឹងបទពិសោធន៍ផ្ទាល់ខ្លួននៃការធ្វើដំណើរនិងការសម្រកគីឡូ គឺទទួលបានចំណាត់ថ្នាក់លេខ ១, ការផុសមានភ្ជាប់មកជាមួយនូវរូបសត្វផ្សេងៗជាប់ចំណាត់ថ្នាក់លេខ ២ និងផុសនៃការថតរូបដែលមានទស្សនីយភាពស្អាតៗទទួលបានចំណាត់ថ្នាក់លេខ ៣។

ការផុសមានសរសេរអក្សរក៏បង្កផលប៉ះពាល់ដល់រូបភាពដែលផុសផងដែរ ព្រោះរាល់ពាក្យអធិប្បាយ (Caption) ដែលសរសេរវែង រហូតដល់ទាមទារឱ្យអ្នកមើលចុច See More ជាមធ្យមប្រមាណ ១៥ ភាគរយទទួលបានចំនួន Like តិចខុសពីការផុសដែលបញ្ចូលត្រឹម Caption ជាលក្ខណៈ Emoji ដែលវាមានការចាប់អារម្មណ៍ជាង។ ជាចុងបញ្ចប់គឺទាក់ទងនឹង Hashtags គេនិយមប្រើបំផុត រួមមាន #love, #instagood, #photooftheday, #beautiful, និង #tbt សុទ្ធសឹងតែជាបញ្ហាដែលធ្វើឱ្យការផុសទទួលបានចំនួន Like តិចជាងធម្មតា៕