អាមេរិកចុះកិច្ចព្រមព្រៀងសព្វាវុធតម្លៃ ១១០ ពាន់លានដុល្លារជាមួយអារ៉ាប់

2017-05-21 03:24:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងដំណើរទស្សនកិច្ចក្រៅប្រទេសជាលើកដំបូងទៅកាន់ប្រទេសអារ៉ាប៊ីសាអ៊ូឌីត លោកដូណាល់ ត្រាំ បានសម្រេចចុះកិច្ចព្រមព្រៀងភ្លាមៗលើការលក់សព្វាវុធតម្លៃ ១១០ ពាន់លានដុល្លារជាមួយប្រទេសអារ៉ាប៊ីសាអ៊ូឌីត។

សេតវិមានឲ្យដឹងថាកញ្ចប់នៃសព្វាវុធ និង សេវាកម្មនេះនឹងជួយទ្រទ្រង់សន្តិសុខនៃប្រទេសអារ៉ាប៊ីសាអ៊ូឌីតបានយូរអង្វែង ចំពោះការប្រឈមមុខនឹងការគំរាមកំហែងរបស់ប្រទេសអ៊ីរ៉ង់។ លោកត្រាំ ហាក់មានជំហរតឹងរ៉ឹងចំពោះប្រទេសអ៊ីរ៉ង់បើប្រៀបនឹងលោកប៉ារ៉ាក់ អូបាមា។ ក្នុងរដ្ឋបាលលោកប៉ារ៉ាក់ អូបាមា កាលឆ្នាំទៅបានផ្អាកការលក់សព្វាវុធទៅឲ្យអារ៉ាប៊ីសាអ៊ូឌីត ដោយមានការព្រួយបារម្ភថាគេនឹងសព្វាវុធប្រើដើម្បីបំផ្ទុះប្រជាពលរដ្ឋប្រទេសយេមែន។

យោងតាមក្រុមប្រឹក្សាទំនាក់ទំនងបរទេសអារ៉ាប៊ីសាអ៊ូឌីតជាគោលដៅចម្បងមួយសម្រាប់សព្វាវុធអាមេរិក ដោយចាប់ពីឆ្នាំ ២០១១ ដល់ ឆ្នាំ ២០១៥ ប្រទេសនេះជាអ្នកទិញយកការនាំចេញសព្វាវុធចំនួន ១០% របស់អាមេរិក។ កិច្ចព្រមព្រៀងសព្វាវុធនេះក៏នឹងជួយបង្កើនសមត្ថភាពអារ៉ាប៊ីសាអ៊ូឌីតលើការវាយប្រហារជាមួយភេរវជន ជួយកាត់បន្ថយការពឹងផ្អែកលើកម្លាំងយោធាអាមេរិក៕

ប្រភព៖ Independent ប្រែសម្រួល៖ សុខហេង