ជី សិលា៖ "សិស្ស IT ពូកែសរសេរកូដ តែនៅខ្វះឥរិយាបថមួយ"

2017-05-22 02:47:23
ចំនួនមតិ 0 | ចំនួនចែករំលែក 0

ចន្លោះមិនឃើញ

"ខ្ញុំសង្កេតឃើញនិស្សិត IT ឬអ្នកជំនាញផ្នែកសរសេរកូដកម្មវិធីនៅខ្វះឥរិយាបថមួយ ដែលឥរិយាបថនោះគឺ ខ្វះការផ្ចិតផ្ចង់ ត្រួតពិនិត្យលំនាំនៃដំណើរការកូដកម្មវិធីរបស់ពួកគេមុននឹងបញ្ចប់កិច្ចការអ្វីមួយ"។ អគ្គនាយកក្រុមហ៊ុន Sabay បញ្ជាក់៖

លោក ជី សិលា អគ្គនាយកក្រុមហ៊ុន Sabay

រយៈពេលប្រមាណជាង ២ម៉ោងដែលលោក ជី សិលា ធ្វើជាវាគ្មិនឆ្លើយតបនិងសំណួរក្នុងកិច្ចពិភាក្សាក្រោមប្រធានបទសាយប៊ើស្ប៉េស (Cyberspace) កាលពីសប្ដាហ៍មុនលោកបានលើកឡើងពីចំណុចតូចមួយរបស់អ្នកជំនាញផ្នែកសរសេរកូដកម្មវិធីដែលពួកគេមិនសូវបានចាប់អារម្មណ៍។

ចំណុចខ្វះខាតទាំងនោះនៅត្រង់ថា ពួកគេមិនបានពិនិត្យឲ្យល្អិតល្អន់ ច្បាស់លាស់ មុននឹងបញ្ចប់កិច្ចការណាមួយដាក់ឲ្យគេប្រើប្រាស់ ដល់ពេលមានបញ្ហាកើតឡើងពិបាកទៅសើរើឡើងវិញ។

លោកក៏បានបន្ថែមថា អ្នកជំនាញផ្នែកនេះគួរតែពង្រឹងការត្រួតពិនិត្យការងាររបស់ខ្លួនឲ្យបានច្រើនដងជៀសវាងពេលមានបញ្ហាដូចករណី hack ដូចពេលកន្លងទៅថ្មីៗនេះ អាចធ្វើឲ្យខាតបង់ពេលវេលានិងប្រាក់កាសដើម្បីដោះស្រាយវាឲ្យដំណើរការដូចប្រក្រតីវិញ៕

អត្ថបទ៖ រក្សា