Lamborghini Urus កម្លាំង ៦៥០ សេះ តម្លៃមិនដល់ ២០ ម៉ឺនដុល្លារទេ
- 2017-05-22 03:50:08
- ចំនួនមតិ 0 | ចំនួនចែករំលែក 0
Lamborghini Urus កម្លាំង ៦៥០ សេះ តម្លៃមិនដល់ ២០ ម៉ឺនដុល្លារទេ
ចន្លោះមិនឃើញ
លោក Stefano Domenicali នាយកប្រតិបត្តិក្រុមហ៊ុន Lamborghini បានបញ្ជាក់ជាផ្លូវការថារថយន្ត Lamborghini Urus ប្រភេទ SUV ដែលចេញលក់ឆ្នាំក្រោយនេះនឹងមានប្រើម៉ាស៊ីន Twin-Turbo V8 ដែលមានកម្លាំងដល់ ៦៥០ សេះ។
ជាមួយកម្លាំងម៉ាស៊ីនប៉ុណ្ណេះអាចធ្វើឲ្យ Lamborghini Urus ជារថយន្តប្រភេទ SUV ដែលមានកម្លាំងខ្លាំងបំផុត ដោយទំនងជាអាចដណ្ដើមតំណែងពី Bentley Bentayga ដែលកំពុងកាន់កាប់តំណែងនេះនៅពេលបច្ចុប្បន្នបាន។ Bentley Bentayga បច្ចុប្បន្នជារថយន្ត SUV មានល្បឿនលឿនជាងគេបំផុត ដោយអាចរត់បានក្នុងល្បឿនអតិបរមា ៣០០ គ.ម/ម៉។
ក្រៅពីបានបញ្ជាក់ពីកម្លាំងម៉ាស៊ីនលោក Stefano ក៏បានឲ្យដឹងថា Lamborghini នឹងផលិត Urus ឲ្យបាន ១ ០០០ គ្រឿងសិននៅឆ្នាំ ២០១៨ ខាងមុខ ហើយនៅឆ្នាំបន្ទាប់នឹងបង្កើនដល់ ៣ ៥០០ គ្រឿង។ ចំណែកតម្លៃលើទីផ្សារបរទេសវិញក៏រំពឹងថានឹងមិនថ្លៃដល់ ២០០ ០០០ ដុល្លារនោះទេ៕
ចុចអាន៖ Ducati 1299 Superleggera ម៉ូតូរាងកាច តម្លៃជាង ៩ ម៉ឺនដុល្លារ
ចុចអាន៖ ឡានទំនើបបួងថយក្រោយជ្រុល លទ្ធផលដេកស្អាត
ចុចអាន៖ កប់! យក Bentley Falconry បើកកាត់វាលខ្សាច់ឡើងលិចកង់ អត់ជាប់ផុងអីតិច