ខ្លះៗពីកូន​ខ្មែរ​ធ្លាប់ចាប់ដៃសម្ដែងជាមួយ Ariana Grande ​ជុំវិញ​៣០​ប្រទេស​​​ក្នុង​ពិភព​លោក​

  • 2017-05-23 07:00:57
  • ចំនួនមតិ 0 | ចំនួនចែករំលែក 0

ចន្លោះមិនឃើញ

Chrysanthe Tan ឬ​ សុវណ្ណ បុប្ផា ត្រូវ​បាន​អន្តរជាតិ​ស្គាល់​ថា​ជា​សិល្បការនី​វីយូឡុង​ជនជាតិ ​ខ្មែរ-ក្រិក​ ដ៏​ល្បី​ល្បាញ​ប្រចាំ​សហរដ្ឋ​អាមេរិក មិន​ត្រឹម​តែ​ប៉ុណ្ណោះ​​នាង​ក៏​ធ្លាប់​ចាប់​ដៃ​ជា​មួយ​តារា​ចម្រៀង​លំដាប់​​ពិភព​លោក​ Ariana Grande ជិត​មួយ​ឆ្នាំ​​ដើម្បី​សម្ដែង​ជុំ​វិញ​ទ្វីប​អឺរ៉ុប និង​អាស៊ី​ផង​ដែរ។

សុវណ្ណ បុប្ផា ជា​កូន​ខ្មែរ​-ក្រិក ដែល​កើត​នៅ​ទឹក​ដី​អាមេរិក ​ក្រោយ​​ពី​​ឪពុក​ជនជាតិ​ខ្មែរ និង​ម្ដាយ​ជនជាតិ​ក្រិក​ ភៀស​ខ្លួន​ពី​សង្គ្រាម​នៅ​កម្ពុជា​ទៅ​​ទី​នោះ។ នាង​មាន​បង​ប្រុស​ម្នាក់​ឈ្មោះ Ellen Tan ដែល​ជា​ស្ថាបនិក​អង្គការ​ក្រៅ​រដ្ឋាភិបាល​មួយ​នៅ​កម្ពុជា​ ហៅ​ថា STEAM ។ ចំណែក​រូប​នា​រស់​នៅ​ក្នុង​ទីក្រុង ឡុងប៊ិក សហរដ្ឋអាមេរិក។

ថ្វី​បើ​រូប​នាង​មាន​ឈាម​ជ័រ​ជា​ខ្មែរ​តែ​ សិល្បការនី​រូប​នេះ ទើប​នាង​ទើប​តែ​បាន​ឈាន​ជើង​ចូល​មក​ទឹក​ដី​កម្ពុជា​លើក​ទី១​ក្នុង​មីនា​ ឆ្នាំ​២០១៧ នេះ​តែ​ប៉ុណ្ណោះ។

ទស្សនា​ការ​សម្តែង​ចលើក​ដំបូង​របស់​នាង​នៅ​កម្ពុជា៖

ក្នុង​ដំណើរ​មក​ដល់ប្រទេស​កំណើត​លើក​ដំបូងនាង​បាន​ទៅកម្សាន្ត​នៅ​ខេត្ត​សៀម​រាប និង​នាំយក​​ការ​សម្ដែង​លក្ខណៈ​ទោល​មួយ​ហៅ​ថា "Homecoming" ព្រម​ទាំង​បាន​ចាប់​ដៃ​គូសម្ដែង​ជា​មួយ ឡូរ៉ា ម៉ម សម្ដែង​ក្នុង​ការ​ប្រគំ​តន្ត្រី​របស់​​ Rain ផង​ដែរ។

ចុច៖ ដើម្បី​ទស្សនាការសម្ដែង​ពី​ កូន​ខ្មែរ-​អាមេរិក ឡូរ៉ា ម៉ម និង កូន​ខ្មែរ-​​​ក្រិក Chrysanthe tan

មិន​ត្រឹម​តែ​ជាតន្ត្រីការនី​ផ្នែក​វីយូឡុង​ទេ នាង​ធ្លាប់​ប្រាប់​ Sabay ថា​នាង​ក៏​មាន​ជំនាញ​ខាង​ផលិតបទ​ភ្លេង និពន្ធ​ចម្រៀង/​កំណាព្យ និង​ជា​ចេះ​​ឧបករណ៍​តន្ត្រី​ផ្សេងៗ​ទៀត​ដូច​ជា ហ្គីតា និង​ព្យាណូ​ ជា​ដើម។ ប៉ុន្ដែ​ក្នុង​ការងារ​ទាំងអស់ វីយូឡុង​គឺ​ជា​ជំនាញ​ស្នូល​របស់​នាង​ ព្រោះ​​នាង​ធំ​ធាត់​ឡើង​ដោយ​ការ​លេង​ឧបករណ៍​នេះ​ឯង។

នៅ​ឆ្នាំ​២០១៥ សុវណ្ណ បុប្ផា បាន​ចូល​រួម​សម្ដែង​ក្នុងការ​ប្រគំ​តន្ត្រី​ជុំ​វិញ​ពិភព​លោក​មួយ​​របស់Ariana Grande ​ដែល​មាន​ឈ្មោះ​ថា Honeymoon ។ ដំណើរ​នៃ​ការ​ប្រគំ​តន្រ្តី​នេះ មាន​រយៈ​ពេល​ជិត​មួយ​ឆ្នាំ​ដែល​ពួក​គេ​ និង​សមាជិក​ក្រុម​ផ្សេង​ទៀត​ ទៅ​សម្ដែង​នៅ​ប្រមាណ ៣០​ប្រទេស និង​៨៨តំបន់​ ពោល​គឺ​ ៦៤​តំបន់​នៅ​អាមេរិក​ខាង​ជើង ១៦​តំបន់​នៅ​អឺរ៉ុប ៥តំបន់​នៅ​អាស៊ី និង​៣តំបន់​នៅ​អាមេរិក​ខាង​ត្បូង។ នេះ​បើ​តាម Wikipedia

​ក្រៅ​ពី​ចាប់​ដៃ​គូ​ជា​មួយ​តារា​ចម្រៀង​ខាង​លើ នាង​ក៏​ធ្លាប់​មាន​វត្ត​មាន​សម្ដែង​ជា​មួយ​តារា​ល្បីៗ​ផ្សេងៗ​ជា​ច្រើន​ទៀត​ដូច​ជា Justin Bieber និង Nicki Minaj ជា​ដើម។

អត្ថបទ៖ សុខណា