កែវ សុផេង សរសើរក្រុមបឹងកេតថាកាតក្រហមហើយនៅតែខ្លាំង

2017-05-26 03:01:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធឆ្នើមរបស់ក្រុមបាល់ទាត់ ភ្នំពេញក្រោន សរសើរក្រុម បឹងកេត បើទោះជាត្រូវពិន័យកាតក្រហមម្នាក់ហើយនៅតែខ្លាំងដដែលនាការប្រកួតនៅលីគកំពូលម្សិលមិញនេះ។

អោបមិត្តរួមក្រុម

កែវ សុផេង បានឲ្យដឹងថា ក្រុមជើងឯកលីគកំពូលរដូវការចាស់មួយនេះខ្លាំង មានគ្នាត្រឹម១០នាក់ទេ ប្រយុទ្ធនៅតែល្អ រួមផ្សំការពាររឹងមាំទៀត ជាហេតុធ្វើឲ្យក្រុមរបស់គេមិនអាចរកគ្រាប់បាល់បន្ថែមទៀតបាន។ មុនចាប់ផ្ដើមប្រកួត ខ្សែប្រយុទ្ធរូបនេះគិតថាក្រុមខ្លួននឹងអាចរកបាន២គ្រាប់លើក្រុមបាល់ទាត់បឹងកេត។ ប៉ុន្តែគេមិនហ៊ានមើលងាយក្រុមមួយនេះថាក្រុមខ្លួននឹងឈ្នះឡើយ បានត្រឹមសង្ឃឹម ៥០% ប៉ុណ្ណោះមុនពេលប្រកួត។

កីឡាករខ្សែប្រយុទ្ធរបស់ភ្នំពេញក្រោនបន្តឲ្យដឹងទៀតថា គេមិនដឹងថាក្រុមបឹងកេត មានបញ្ហាអ្វីនោះទេ អ្វីដែលគេដឹងនោះគឺក្រុមមួយលេងធ្លាក់ទម្រង់បន្តិចមួយរយៈពេញចុងក្រោយនេះ។

កែង សុផេង

កែវ សុផេង បានជួយឲ្យក្រុមភ្នំពេញក្រោន យកឈ្នះលើក្រុមបឹងកេត ដោយលទ្ធ ២-១ ម្សិលមិញនេះនាជំនួបជើងទី២នៃលីគកំពូលកម្ពុជារដូវការ ឆ្នាំ២០១៧នេះ។ ខ្សែប្រយុទ្ធឆ្នើមរូបនេះក៏បានជាប់ឈ្មោះក្នុងបញ្ជី Cambodia All Star ដែលត្រូវប្រកួតជាក្រុម Muangthong United របស់ថៃនាថ្ងៃទី១៦ ខែកក្កដា ឆ្នាំ២០១៧ខាងមុខនេះ៕

អត្ថបទ៖ នួន ស៊ីណា