មាស ចាន់ណា ៖ Singapore Cup ឆ្នាំនេះណាហ្គាមានសង្ឃឹមច្រើន

2017-05-26 03:16:39
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក មាស ចាន់ណា គ្រូបង្វឹកក្រុមណាហ្គវើលមានជំនឿអាចឡើងទៅវគ្គបន្ទាប់ក្នុងការប្រកួតពាន Singapore Cup 2017 នៅទឹកដីសិង្ហបុរីប៉ះក្រុម Balestier Khalsa ។

មាស ចាន់ណា

គ្រូបង្វឹកកម្រិត A-License រូបនេះបានឲ្យដឹងថា Balestier Khalsa មានកម្រិតប្រហាក់ប្រហែលក្លឹបរបស់លោក។ ពួកគេប្រើកីឡាករបរទេសបីរូបសុទ្ធតែជាកីឡាករមីយ៉ាន់ម៉ា ដែលធ្វើឲ្យលោកយល់ថា ណាហ្គាអាចមានសង្ឃឹមយកឈ្នះបាន។

គ្រូបង្វឹករូបនេះបន្ថែមថា ក្រុមការងាររបស់លោកបានព្យាយាមយកវីដេអូប្រកួតកន្លងមករបស់ Balestier Khalsa មកសិក្សា។ ក្រោយបានមើលវីដេអូទាំងនោះមួយរយៈពេលខ្លី លោកសន្និដ្ឋានបានថា ក្រុមរបស់សិង្ហបុរីមួយនេះលេងស្រដៀងក្រុមលេខរៀងទី៥ឬទី៦ ក្នុងលីគកំពូលកម្ពុជាបច្ចុប្បន្ន។

កាលពីឆ្នាំ២០១៦ ណាហ្គាវើល បានប្រកួតចាញ់ក្រុម Global FC ៥-០ ក្នុងពានរង្វាន់ខាងលើ។ ដោយឡែកឆ្នាំនេះពួកគេនឹងធ្វើដំណើរទៅប្រទេសសិង្ហបុរីដើម្បីចូលរួមលេងពាននេះដដែលនាថ្ងៃទី២៩ ខែឧសភា ឆ្នាំ២០១៧។ ខណៈការប្រកួតរវាងក្រុមទាំងពីរ នឹងធ្វើឡើងនៅថ្ងៃទី៣១ ខែឧសភា ឆ្នាំ២០១៧៕