ធ្លាយដំណឹង Barca ឱ្យថ្លៃ Vinicius Junior ច្រើនជាង Real តែគេមិនព្រម ហើយតប...

2017-05-26 02:50:41
ចំនួនមតិ 0 | ចំនួនចែករំលែក 0

ចន្លោះមិនឃើញ

មានដំណឹងមកថាក្លឹប Barcelona ក៏បានដាក់សំណើទិញយក Vinicius Junior ពីក្រុម Flamengo ផងដែរ ដោយបានដាក់តម្លៃខ្លួនថ្លៃជាង Real Madrid ទៅទៀត ប៉ុន្តែកីឡាកររូបនេះមិនព្រមទៅលេងឱ្យនោះទេ។

មិនត្រឹមតែមិនព្រមទៅ កីឡាករវ័យក្មេងរូបនេះថែមទាំងនិយាយទៀតថារូបគេចង់លេងជាមួយក្រុមដែលខ្លួនពេញចិត្ត ជាមួយកីឡាករដែលខ្លួនពេញចិត្ត មិនមែនលេងដើម្បីប្រាក់ឡើយ។ ដោយឡែកបើតាមភ្នាក់ងារកីឡាករ Vinicius បានបញ្ជាក់ដែរថា សំណើរបស់ Barca នោះច្រើនជាង Real ហើយថែមទាំងឱ្យកីឡាករនូវប្រាក់ឈ្នួលមួយខ្ពស់ថែមទៀតផង ប៉ុន្តែសាមីខ្លួនបែរជាមិនព្រមទៅវិញ។

Vinicius ត្រូវបានចុះកុងត្រាជាមួយ Real Madrid ក្នុងតម្លៃខ្លួន៤៥លានអឺរ៉ូ ប៉ុន្តែមិនទាន់មកអេស្ប៉ាញនោះទេ ដោយរូបគេត្រូវរង់ចាំដល់គ្រប់អាយុ១៨ឆ្នាំសិន ទើបអាចធ្វើការផ្ទេរមកបាន។ ការធ្វើដូច្នេះគឺដើម្បីស្របទៅតាមច្បាប់របស់ FIFA បានចែងចំពោះការទិញដូរកីឡាករក្រោមអាយុ១៨ឆ្នាំ។ គិតត្រឹមបច្ចុប្បន្ននេះ កីឡាករប្រេស៊ីលរូបនេះ ទើបតែមានវ័យ១៦ឆ្នាំប៉ុណ្ណោះ ដូច្នេះរូបគេត្រូវចាំដល់ខែកក្កដាឆ្នាំ២១០១៨ទើបគ្រប់អាយុ៕

ចុចអាន៖ Man City អនុញ្ញាតឲ្យកីឡាករជើងចាស់៤នាក់ចាកចេញដោយគ្មានតម្លៃខ្លួន

ចុចអាន៖ Griezmann ថា ដើរចេញពី Atletico Madrid គឺដើម្បីឈ្នះពាន ចុចអាន៖ Ronaldo , Bale និង Modric រន្ធត់ចិត្ត ក្រោយដឹងថាពាន La Liga ឆ្នាំក្រោយទើបលើកបាន

ប្រភព៖ Goal ប្រែសម្រួល៖ មុន្នីរម្យ