Antoine Griezmann ខ្សែ​ប្រយុទ្ធ​របស់ Atletico Madrid បាន​និយាយ​ថា គេ​​នឹង​ត្រៀម​ដើរ​ចេញ​ពី​ក្លឹប​នៅ La Liga ដើម្បី​ឈ្នះ​ពាន ​ហើយ​នឹង​សម្រេច​អនាគត​របស់​ខ្លួន​នៅ​រដូវ​ក្ដៅ​ខាង​មុខ។

កាល​ពី​ថ្ងៃ​ច័ន្ទ កីឡាករ​បារាំង​​ខាង​លើ​បាន​និយាយ​ថា ភាគ​រយ ៦/១០ ជា​ឱកាស​អាច​នឹង​ចូល​រួម​ជាមួយ Manchester United។ កីឡាករ​វ័យ​២៦​ឆ្នាំ​រូប​នេះ​ធ្លាប់​ប្រាប់​សារព័ត៌មាន​នៅ​បារាំ​ងថា អង់គ្លេស អាល្លឺម៉ង់ ចិន​និង​អាមេរិក សុទ្ធ​តែ​​ជា​ទិសដៅ​ដែល​អាច​ទៅបាន ប្រសិន​ជា​គេ​ចាក​ចេញ​ពី Atletico។

“សព្វ​ថ្ងៃ​ប្រសិន​​ជា​ខ្ញុំ​ត្រូវ​ចាកចេញ វា​នឹង​មិន​មាន​បញ្ហា​អ្វី​ទេ។ ខ្ញុំ​ត្រៀម​ខ្លួន​រួចស្រេច​​ដើម្បី​ទៅ។ ខ្ញុំ​ចង់​ឈ្នះ​ពាន​ណាស់។ ពួក​យើង​បញ្ចប់​ត្រឹម​លេខ​៣​ក្នុង La Liga ហើយ​វា​គឺ​ជា​​គោលដៅ​របស់​ក្លឹប ប៉ុន្តែ​ពួក​យើង​ជា​កីឡាករ​គឺ​ត្រូវ​ការ​ច្រើន​ជាង​នេះ"។ សម្ដី Griezmann៕

ចុចអាន៖

• នឹក​មិត្ត​សម្លាញ់​ពេក Neymar លួច​ទៅ​ជួប Alves ស្ងាត់​ៗ

• Ronaldo , Bale ​និង Modric ​រន្ធត់​ចិត្ត ក្រោយ​ដឹង​ថា​ពាន La Liga ​ឆ្នាំ​ក្រោយ​ទើប​លើក​បាន

ប្រភព៖ BBC   ប្រែ​សម្រួល៖ ហេង សុធារិទ្ធិ