ចំណាកស្រុកកំណើត ទៅធ្វើការច្រើនឆ្នាំ មកវិញសង់វិឡា៨ជាន់ និងជប់លៀងផ្អើលមួយភូមិ
- 2017-05-27 02:21:56
- ចំនួនមតិ 0 | ចំនួនចែករំលែក 0
ចំណាកស្រុកកំណើត ទៅធ្វើការច្រើនឆ្នាំ មកវិញសង់វិឡា៨ជាន់ និងជប់លៀងផ្អើលមួយភូមិ
ចន្លោះមិនឃើញ
បុរសម្នាក់បានចាកចេញពីស្រុកកំណើត តាំងពីនៅវ័យជំទង់ ទៅកាន់ទីក្រុងធំ Shenzhen ដើម្បីស្វែងរកការងារធ្វើ អស់រយៈពេលជាច្រើនឆ្នាំ។ ឥឡូវនេះរូបគេបានក្លាយជាបុរសពេញរូបរាង និងត្រលប់មកស្រុកកំណើតវិញ។
អ្វីដែលគួរឲ្យភ្ញាក់ផ្អើល បុរសជនជាតិចិន ដែលចំណាកស្រុកទៅធ្វើការរាប់ឆ្នាំនេះ បានសាងសង់ផ្ទះកម្ពស់ ៨ ជាន់ និងធ្វើពិធីជប់លៀងស្វាគមន៍អ្នកស្រុកយ៉ាងបរិបូរ ដើម្បីប្រកាសការវិលត្រលប់មកវិញរបស់ខ្លួន។
ពិធីជប់លៀងខាងលើ បានធ្វើឡើងនៅដើមសប្ដាហ៍នេះ នៅក្នុងស្រុក Gaozhou ភាគនិរតី ខេត្ត Guangdong នៅក្នុងផ្ទះវិឡាដែលសាងសង់អស់ ជិត ១,៥ លានដុល្លារ។ នៅក្នុងពិធីជប់លៀងស្វាគមន៍ការវិលត្រលប់នេះ បុរសខាងលើបានជួលបុគ្គលិក រួមទាំងក្រុមចុងភៅចំនួន ៥០ នាក់ ដើម្បីធ្វើម្ហូបអាហារបម្រើដល់ភ្ញៀវរបស់ខ្លួន។ លោកបានអញ្ជើញក្រុមគ្រួសារ មិត្តភ័ក្ដិ និង អ្នកស្រុក ចំនួន ២៥០ តុ ចូលរួមពិធីជប់លៀង ដែលចំណាយយ៉ាងហោចណាស់ ៤០ ០០០ ដុល្លារ។
ទោះបីជាយ៉ាងណា គេមិនបានដឹងច្បាស់ឡើយថា បុរសខាងលើនឹងយកវិឡាកម្ពស់ ៨ ជាន់នោះធ្វើអ្វី ប៉ុន្តែវិឡាដ៏ខ្ពស់ស្កឹមស្កៃនេះ យ៉ាងហោចណាស់មានបន្ទប់ប្រណិតនៅជាន់ទី ១ , ជណ្ដើរយន្ត និង បន្ទប់ខារ៉ាអូខេ ផងដែរ៕