មន្ទីរសាធារណការ បកស្រាយហ្មត់ រឿងគំនូសចរាចរលើផ្លូវ ម៉េចឆាប់រលុបម្ល៉េះ

2017-05-28 05:04:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រជាពលរដ្ឋ តែងមានចម្ងល់ថា ហេតុអ្វីបានជាគំនូសចរាចរនៅតាមដងផ្លូវ ឆាប់រលុបម្ល៉េះ? ដោយក្នុងនោះ មានមនុស្សមួយចំនួនលើកឡើងតាមការយល់ឃើញរបស់ខ្លួន ថាយ៉ាងនេះ យ៉ាងនោះរៀងខ្លួន។ ដូច្នេះដើម្បីស្រាយចម្ងល់ប្រជាពលរដ្ឋ ដែលបានលើកឡើង នោះ មន្ទីរសាធារណការ បាន ធ្វើការស្រាយ ដោយលើកឡើងនូវមូលហេតុ ៤យ៉ាងសំខាន់ៗ។

តាមរយៈទំព័រហ្វេសប៊ុក ផ្លូវការរបស់មន្ទីរសាធារណការ បានបកស្រាយដូចខាងក្រោម៖

១.យានយន្តក្នុងស្រុកភាគច្រើនជាយានយន្តចាស់ ដែលងាយហូរធ្លាក់ប្រេងម៉ាស៊ីនលើសាច់ថ្នល់ បណ្ដាលឱ្យឆាប់សឹក ជាប់ក្អែល។ ថ្នាំលាបមិនធុនជាមួយប្រេងម៉ាស៊ីនទេ។

២.សាច់ផ្លូវសម្បូរដី ឬដីខ្សាច់ ដែលកកិតពីកង់យានយន្តងាយសឹក។

៣.ការបើកបរយានយន្តជាន់លើថ្នាំលាបខ្សែគន្លងភាគច្រើន មិនប្រកាន់បើកបរក្នុងគន្លងខ្សែ។

៤.ការដុតកៅស៊ូអ៊ុតដោយប្រើប្រេងកាត។

គួរបញ្ជាក់ផងដែរថា គំនូសចរាចរនៅលើដងផ្លូវនានា គឺដើម្បីបង្ហាញពីទិសដៅក្នុងការធ្វើដំណើរ ក៏ដូចជាកំណត់សម្គាល់សម្រាប់ផ្លូវថ្មើរជើង ផ្លូវយានយន្ត ផ្លូវម៉ូតូ ជាដើម។ ប៉ុន្តែប្រជាពលរដ្ឋតែងសម្គាល់ឃើញថា គំនូសចរាចរទាំងនោះ តែងរលុបវិញ បន្ទាប់ពីមានការជួសជុល ក៏ដូចជាកែលម្អហើយ ក្នុងរយៈពេលដ៏ខ្លី ទើបមន្ទីរសាធារណការ ចេញបកស្រាយ៕

អត្ថបទ៖ វឌ្ឍនៈ