ញាប់ពេកទេដឹង! កូរ៉េខាងជើង បាញ់មីស៊ីល ១គ្រាប់ទៀតហើយ ទាំងព្រលឹមអុល

2017-05-29 00:31:38
ចំនួនមតិ 0 | ចំនួនចែករំលែក 0

ចន្លោះមិនឃើញ

បើយោងតាមមន្ត្រីយោធាអាមេរិក បានឲ្យដឹងថា កូរ៉េខាងជើង បានបាញ់មីស៊ីលរយៈចម្ងាយខ្លីមួយគ្រាប់ទៀតហើយ នៅព្រឹកថ្ងៃច័ន្ទនេះ ហើយបានធ្លាក់នៅក្នុងមហាសមុទ្រ។

ការសាកល្បងបាញ់គ្រាប់មីស៊ីលចុងក្រោយបង្អស់នេះ បានធ្វើឲ្យកូរ៉េខាងត្បូង និងជប៉ុន មានប្រតិកម្មភ្លាមៗ ខណៈកូរ៉េខាងជើង កំពុងធ្វើការអភិវឌ្ឍកម្មវិធីនុយក្លេអ៊ែររបស់ខ្លួន ដែលមានសមត្ថភាពអាចបាញ់ដល់មូលដ្ឋានយោធាអាមេរិក។

គួរបញ្ជាក់ថា គ្រាប់មីស៊ីលបានបាញ់នៅវេលាម៉ោង ៥ និង ៣៩ នាទីព្រឹក (ម៉ោងក្នុងតំបន់) ចេញពីតំបន់ក្បែរទីក្រុង Wonsan ខេត្ត Kangwon នៃប្រទេសកូរ៉េខាងជើង ឆ្ពោះទៅកាន់ភាគខាងកើត នៃឧបទ្វីបកូរ៉េ។ នេះបើយោងតាមសេចក្ដីថ្លែងការណ៍ ពីអគ្គសេនាធិការចម្រុះរបស់កូរ៉េខាងត្បូង។

គ្រាប់មីស៊ីលខាងលើ ត្រូវបានគេសន្មតថាជាប្រភេទ «SCUD» និងហោះបានចម្ងាយប្រមាណជា ៤៥០ គីឡូម៉ែត្រ។ សេចក្ដីថ្លែងការណ៍ខាងលើបានបញ្ជាក់បន្ថែម។

គួររំលឹកឲ្យដឹងផងដែរថា ការបាញ់មីស៊ីលនេះ គឺជាលើកទី ៩ នៅឆ្នាំ ២០១៧ នេះ និងជាលើកទី ៣ ហើយ ក្រោយប្រធានាធិបតីថ្មីរបស់កូរ៉េខាងត្បូង លោក ម៊ូន ជេអ៊ីន (Moon Jae-in) បានចូលកាន់តំណែង៕

ប្រភព៖ CNN ប្រែសម្រួល៖ សេង ឡុង