មិនញញើត Ariana Grande នឹងត្រឡប់ទៅ Manchester កន្លែងរងការបំផ្ទុះគ្រាប់បែកវិញ ធ្វើរឿងមួយ!
- 2017-05-29 10:00:41
- ចំនួនមតិ 0 | ចំនួនចែករំលែក 0
មិនញញើត Ariana Grande នឹងត្រឡប់ទៅ Manchester កន្លែងរងការបំផ្ទុះគ្រាប់បែកវិញ ធ្វើរឿងមួយ!
ចន្លោះមិនឃើញ
តារាចម្រៀង Ariana Grande សន្យាថានឹងត្រលប់មកកាន់ Manchester វិញសប្ដាហ៍ក្រោយនេះដើម្បីជាកម្លាំងចិត្តជួយទៅដល់ក្រុមគ្រួសារជនរងគ្រោះកាលពីយប់ថ្ងៃច័ន្ទទី២២សប្តាហ៍មុន។
ចំពោះការត្រលប់មកវិញលើកនេះ តារាចម្រៀងប៉ុបរូបនេះនឹងប្រារព្ធការប្រគំតន្ត្រីមួយ ដើម្បីរៃអង្គាសប្រាក់ជូនក្រុមគ្រួសារជនរងគ្រោះចំពោះហេតុការណ៍ដ៏អាក្រក់មួយនេះ។
បើយោងទៅតាមសារព័ត៌មាន TMZ ការប្រគំតន្ត្រីដ៏ធំនេះនឹងធ្វើឡើងនៅទីក្រុង នៅថ្ងៃអាទិត្យទី៤ សប្ដាហ៍ក្រោយ។ ដែលការប្រគំតន្ត្រីនេះនឹងចូលរួមដោយតារាចម្រៀងល្បីៗដ៏ច្រើនផងដែរ។
Ariana និងអ្នកចាត់ចែងរបស់នាងលោក Scooter Braun ដែលជាអ្នកចាត់ចែង Justin Bieber ដែរនោះបានកំពុងតែសស្រាក់សស្រាំដើម្បីកក់និងអញ្ជើញតារាល្បីៗផ្សេងទៀតដើម្បីមកចូលរួមកម្មវិធីប្រគំតន្ត្រីដ៏ធំនេះ។ ក៏ប៉ុន្តែការប្រគំតន្ត្រីលើកនេះនឹងធ្វើឡើងនៅកន្លែងផ្សេងមិនមែន Manchester Arena ទេ ដោយសារតែនៅទីនោះមានដក់ជាប់នូវការស្លាប់ច្រើនពេក ដែលបានកើតឡើងដោយសារភេរវករ ISIS ឈ្មោះSalman Abedi បានបំផ្ទុះខ្លួនឯងស្លាប់នៅយប់ថ្ងៃនោះវេលាម៉ោង ១០:៣៣យប់។
គួរបញ្ជាក់ថាប្រាក់ចំណូលទាំងអស់នៃកម្មវិធីប្រគំតន្ត្រីនេះនឹងប្រគល់ជូនក្រុមគ្រួសាររងគ្រោះទាំងអស់៕