អាចារ្យធំ អរគុណ G-Devith ក្រោយជួយលោកគ្រូល្បុក្កតោនៅសៀមរាប ១០០$ សង់ផ្ទះថ្មី
- 2017-05-30 06:41:17
- ចំនួនមតិ 0 | ចំនួនចែករំលែក 0
អាចារ្យធំ អរគុណ G-Devith ក្រោយជួយលោកគ្រូល្បុក្កតោនៅសៀមរាប ១០០$ សង់ផ្ទះថ្មី
ចន្លោះមិនឃើញ
បើតាមរយៈ FB របស់អាចារ្យធំ បានឱ្យដឹងថាតារាចម្រៀង G-Devith បានជួយឧបត្ថម្ភដល់លោកគ្រូ រស់-សេរី ព្រឹទ្ធាចារ្យល្បុក្កតោបុរាណខ្មែរនៅខេត្តសៀមរាប ដែលកំពុងខ្វះខាតថវិកា ដើម្បីសាងសង់ផ្ទះស្នាក់នៅឡើងវិញ។
ផ្ទះរបស់លោកគ្រូ រស់ សេរី ត្រូវអាជ្ញាធរឈូសធ្វើផ្លូវប៉ះកាលពីពេលកន្លងទៅ ហើយជីវភាពរបស់លោកនៅគ្រានោះក៏លំបាកថែមទៀត មិនអាចសាងសង់ផ្ទះថ្មីភ្លាមនោះទេ។ យ៉ាងណាមិញ មួយរយៈក្រោយមក មានអ្នកជួយលោកគ្រូច្រើន ដោយមានទាំងថវិកា និងជួយសាងសង់ផ្ទះល្មមមួយឱ្យលោករស់នៅថែមទៀតផង។ ដូចគ្នានេះដែរ មុននេះបន្តិចមានគណនីមួយដែលបានបញ្ជាក់ថាខ្លួនជាបុគ្គលិករបស់តារាចម្រៀង G-Devith បានឆាតទៅអាចារ្យធំ ដើម្បីផ្ដល់ជាជំនួយខ្លះដល់លោកគ្រូ រស់ សេរី ផងដែរ។
លោកគ្រូ រស់-សេរី ជាគ្រូគុនល្បុក្កតោមានដើមកំណើតមកពីកម្ពុជាក្រោម។ លោកជាគ្រូ ម្នាក់ក្នុងចំណោមលោកគ្រូគុនចាស់ៗផ្សេងទៀត ដែលបានចូលរួមក្នុងសកម្មភាពផ្សព្វផ្សាយ និងថែរក្សាមរតកបុព្វបុរសខ្មែរ ហើយបានផ្ទេរចំណេះដឹងផ្នែកគុនល្បុក្កតោ ដល់ក្មេងជំនាន់ក្រោយយ៉ាងសកម្មអស់រយៈជាង២០ឆ្នាំមកហើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
