កាន់តែក្ដៅហើយ ម្ចាស់បទ "ចាក់ទឹកដូង" ចេញហែករឿងរ៉ាវ បុរសជាអតីតគូស្នេហ៍ យូរី វិញ

2017-05-31 02:59:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មាននាទីមុននេះ Bmo Trapz ដែលត្រូវចោទថាជាអ្នកមានស្នេហាលួចលាក់ជាមួយយូរី បានចេញសារ រៀបរាប់ពីរឿងដែលកើតឡើងជុំវិញយូរី និងអ្នកដឹកនាំ Red។

ក្នុងនោះលោកបានសរសេរ ថា កន្លងមកអ្នកដឹកនាំរូបនេះ ធ្លាប់ដាក់គំនាប និងគំរាម យូរី ជារឿយៗ។ "រយៈពេល4ឆ្នាំនឹងមនុស្សស្រីម្នាក់រស់នៅក្នុងគំនាប និងការគំរាមកំហែង និង អំពើហិង្សា បើមិនធ្វើតាមគេទេ គេនឹងផុសរូបអាក្រាត លាបពណ៌ និង បំផ្លាញកេរ្តិ៍ឈ្មោះម្នាក់ស្រីហ្នឹង។"

លោកបន្តក្នុងសារដដែលថា ៖ "ខ្ញុំសុំសួរអ្នកទាំងអស់គ្នាបើសិនជាអ្នកទាំងអស់វិញតើអ្នកទាំងអស់គ្នា នឹងធ្វើយ៉ាងណា? ហើយមនុស្សប្រុសនឹង ជាមនុស្សប្រុសបែបណា? ពេលនេះមនុស្សស្រីម្នាក់នោះគាត់ក្រោកឈរឡើង ហើយប្រឈមមុខ មនុស្សប្រុសនោះក៍បានផុសរូបអាក្រាត លាបពណ៌ និង បំផ្លាញកេរ្តិ៍ឈ្មោះម្នាក់ស្រីហ្នឹង។ អ្នកទាំងអស់គ្នាប្រហែលជាជឿមនុស្សប្រុសនោះព្រោះគាត់ជា Director ជាមនុស្សពូកែនិពន្ធរឿង ពូកែកុហកអ្នកដទៃនិងកុហកខ្លួនឯងផងដែរ។ ខ្ញុំមិនសុំអ្នកទាំងអោយជឿជាក់ទេ តែសុំអ្នកទាំងអស់គ្នាពិចារណា។"

ជុំវិញបញ្ហានេះ យូរី នៅតែមិនទាន់ចេញមុខបកស្រាយនៅឡើយទេ ប៉ុន្ដែគណនីហ្វេសប៊ុក Panda Strong ដែល Red លើកឡើងថាជា គណនីថ្មីដែលនាងបង្កើតមានស្នេហ៍លួចលាក់ជាមួយ Bmo បានប្តូរដាក់រូបពិត និងបន្ថែមថា មានទំនាក់ទំនងស្នេហាជាមួយគ្នា៕