ព្រឹត្តិការ​សន្និបាត​អ្នក​សរសេរ​កម្មវិធី​ធំ​បំផុត​របស់​ ​Apple​ ​គឺ​នឹង​ប្រារព្ធ​ទៅ​នា​​ពាក់​កណ្ដាល​ខែ​មិថុនា​ខាង​មុខ​ ​ហើយ​គេ​ក៏​រំពឹង​ថា​ ​ក្រុមហ៊ុន​ផលិត​ ​iPhone​ ​នេះ​​ក៏​អាច​បញ្ចេញ​ប្រព័ន្ធ​ប្រតិបត្តិការ​ជំនាន់​ថ្មី​ ​iOS 11​ ​សម្រាប់​ស្មាតហ្វូន​ពួក​គេ​ផង​ដែរ។

iOS 11​ ​ត្រូវ​បាន​គេ​សន្និដ្ឋាន​ថា​អាច​នឹង​មាន​មុខ​ងារ​ប្លែក​ៗ​សម្បូរ​បែប​ជា​ច្រើន​ដែល​មាន​ដូច​ជា​ ​៖

• លើ​ផ្ទាំង​អេក្រង់​មួយៗ​ ​មាន​ ​icon​ ​កម្មវិធី​ច្រើន​ជាង​បច្ចុប្បន្ន។

• Touch ID​ ​កាន់​តែ​មាន​សុវត្ថិភាព​ខ្ពស់​ ​ដែល​អាច​បិទ​ ​iPhone​ ​នៅ​ពេល​ស្កេន​ក្រយៅ​ដៃ​ខុស​ច្រើន។

• អាច​ធ្វើ​ការ​ហៅ​ចេញ​ចូល​ជា​ទម្រង់​វីដេអូ​ ​និង​មើល​វីដេអូ​នានា​ ​ដំណាល​ពេល​ប្រើប្រាស់​មុខងារ​ផ្សេង​ទៀត។

• កម្មវិធី​ដែល​ក្រុមហ៊ុន​ដាក់​ឲ្យ​ ​គឺ​មិន​អាច​ផ្លាស់ប្ដូរ​បាន​ ​ព្រោះ​ដើម្បី​បញ្ហា​សុវត្ថិភាព។

• ក្ដារចុច​ថ្មី​ ​ដែល​មាន​បន្ថែម​ជួរ​លេខ​មក​ស្រាប់​ជា​មួយ​អក្សរ។

• វាយ​អក្សរ​បាន​រហ័ស​ ​ជា​មួយ​ក្បួន​ចុច​របៀប​អូស។

• កាមេរ៉ា​កាន់​តែ​ទំនើប​ ​ដែល​អាច​កំណត់​ទម្រង់​ថត​ដូច​កាមេរ៉ា​ ​DSLR។

• គុណភាព​ ​និង​ទំហំ​ការ​ថត​វីដេអូ​ ​អាច​ផ្លាស់ប្ដូរ​បាន​ក្នុង​កាមេរ៉ា​ ​ខណៈ​បច្ចុប្បន្ន​តម្រូវ​ឲ្យ​ប្ដូរ​ក្នុង​ ​Setting។

• ងាយ​ស្វែង​រក​ឈ្មោះ​ដែល​មាន​ក្នុង​កំណត់​ត្រា​លេខ​ទូរសព្ទ។

• ​ប្រើប្រាស់​កម្មវិធី​បាន​ច្រើន​ក្នុង​ពេល​តែ​មួយ​សម្រាប់​ ​iPad។

• Siri​ ​កាន់​តែ​ទំនើប​ ​និង​កាន់​តែ​រហ័ស៕

ចុចអានបន្ត ៖

• ចេញ Render iPhone 8 ថ្មី​ដាក់​ធៀប​ Galaxy S8/S8+
• ​S8 Plus​ ​និង​ ​iPhone 7 Plus​ ត្រាំ​ក្នុង​កូកាកូឡា​កក​ជាង ១០ ម៉ោង​ ​ជឿ​ទេ​អាច​ប្រើ​បាន​វិញ?
• តោះ! ហោះ​លេង​នៅ​ភព​ព្រហស្បតិ៍​ជា​មួយ​វីដេអូ​នេះ​

ប្រភព៖ PhoneArena   ប្រែ​សម្រួល៖ រដ្ឋ