Aubameyang ចោលលុយវាល់លាននៅចិន មកយក២០ម៉ឺនដុល្លារ១អាទិត្យនៅ PSG

2017-06-01 02:33:15
ចំនួនមតិ 0 | ចំនួនចែករំលែក 0

ចន្លោះមិនឃើញ

Pierre-Emerick Aubameyang នឹងចុះកុងត្រាលេងឱ្យក្រុម Paris Saint-Germain នៅរដូវក្ដៅខាងមុខនេះ ក្នុងតម្លៃខ្លួន៦១លានផោន រួមជាមួយប្រាក់ឈ្នួល ១៦៨ ០០០ផោន (ជាង២០ម៉ឺនដុល្លារ) ក្នុង១សប្ដាហ៍។

Yahoo Sport France បានបញ្ជាក់ថា Top Scorer នៅអាល្លឺម៉ង់ខាងលើនេះ បានយល់ព្រមអស់ហើយជាមួយក្រុម PSG ដោយរង់ចាំតែដល់ថ្ងៃប្រកាសជាផ្លូវការប៉ុណ្ណោះ។ ខ្សែប្រយុទ្ធរូបនេះ ជាកីឡាករដំបូងរបស់ PSG ប្រកាសទិញ ខណៈដែល Alexis Sanchez ក៏ជាគោលដៅមួយសម្រាប់ក្លឹបអ្នកមាននេះដែរ តែប្រហែលជាពិបាកព្រោះមានក្លឹប Manchester City ប្រជែងទិញជាមួយដែរ។

កីឡាករវ័យ២៧ឆ្នាំខាងលើនេះ ក៏ត្រូវបានក្លឹបអ្នកមានៗ នៅចិនចង់បានដែរ ដោយឱ្យតម្លៃខ្លួននិងប្រាក់ឈ្នួលខ្ពស់ថែមទៀតផង ប៉ុន្តែរូបគេមិនសម្រេចចិត្តចាកចេញទៅលេងនៅទឹកដីអាស៊ីមួយនេះទេ ព្រោះចង់បន្ដអនាគតនៅអឺរ៉ុប។ Aubameyang រដូវកាលកន្លងទៅនេះ ក្នុងលីគ Bundesliga របស់អាល្លឺម៉ង់រូបគេបង្ហាញខ្លួនបាន៣២ប្រកួត រកបាន៣១គ្រាប់៕

ចុចអាន៖

soccer

ព័ត៌មានកីឡាអន្តរជាតិ

ប្រភព៖ Dailymail ប្រែសម្រួល៖ មុន្នីរម្យ