៣រឿងចាប់អារម្មណ៍ខ្លាំងនៅ៣០ដេលីសប្ដាហ៍នេះ (វីដេអូ)

2017-06-03 04:50:44
ចំនួនមតិ 0 | ចំនួនចែករំលែក 0

ចន្លោះមិនឃើញ

មាស សាលី មិនបន្តកុងត្រាឱ្យផលិតកម្ម ចង់ធ្វើតារាចម្រៀងឯករាជ្យ

ម្ចាស់បទ "ទីប្រឹក្សាស្នេហ៍" បានឱ្យដឹងថា បើទោះបីជា Solo Album ដែលរៀបចំដោយខ្លួនទើបចេញលក់លើកទីផ្សារទទួលជោគជ័យ ឬមិនជោគជ័យក៏ដោយ លោកចង់នៅជាតារាចម្រៀងឯករាជ្យ ដោយមិនបន្តកុងត្រាឱ្យផលិតកម្មសាន់ដេទៀតនោះទេ ។

តារាចម្រៀងរូបនេះយល់ថា ការសម្រេចចិត្តមិនបន្តកុងត្រាជាមួយសាន់ដេ គឺជាការយល់ត្រូវរបស់ខ្លួន ព្រោះលោកអាចមានឱកាសធ្វើអ្វីៗដោយឯករាជ្យខ្លួនឯងបាន។ ក្នុងនោះលោកមិនបារម្ភ ខ្លាចម្ចាស់ផលិតកម្ម អន់ចិត្ត ឬរករឿងនោះឡើយ ព្រោះតែការស្គាល់ចិត្តស្គាល់ថ្លើមគ្នាជាង ១០ឆ្នាំមកហើយ។

តារាចម្រៀងធ្លាប់ជោគជ័យខ្លាំងកាលពីជាង ១០ឆ្នាំមុនរូបនេះ បង្ហាញក្ដីរំពឹងខ្ពស់ថា ការប្រកាសចេញចម្រៀង Solo Album ផ្ទាល់ខ្លួននាពេលខាងមុខនឹងអាចជួយលើកប្រជាប្រិយភាពរបស់ខ្លួនឡើងវិញ។ មិនត្រឹមតែបទចម្រៀងថ្មីប៉ុណ្ណោះ លោក មាស សាលី ក៏ប្រកាសថានឹងមាន Style ថ្មី ប្លែកថែមទៀតសម្រាប់ទស្សនិកជន។

ប៊ីរីយា រីករាយក្រោយទីផ្សារសិល្បៈខ្លាំងដូចដើម

តារាសម្ដែង និងជាតារាម៉ូដែលអ្នកនាង ប៊ីរីយា បង្ហាញក្ដីសប្បាយរីករាយ ក្រោយវិលចូលសិល្បៈជាថ្មី ហើយនាងនៅតែទីផ្សារនៅតែមានខ្ពស់ដូចដើម ក្រោយផ្អាកពីអាជីពជាអ្នកសិល្បៈមួយរយៈធំ។

តារាសម្ដែងរូបនេះ បន្តថា ការងារសិល្បៈបច្ចុប្បន្ន ស្ទើរតែរកពេលសម្រាកគ្មាន ទាំងការថតស្ប៉ត ដើរម៉ូដ និងថតភាពយន្ត។ យ៉ាងណាក៏ដោយ បើទោះជាបង្ហាញសប្បាយរីករាយ ចំពោះការងារដ៏ច្រើន ប៊ីរីយ៉ា ក៏បានបញ្ជាក់ដែរថា អ្នកនាងមិនអាចប្រឡូកខ្លាំងដូចមុនបានឡើយ។ មិនអាច ព្រោះតែត្រូវយកពេល មើលថែកូន និងស្វាមី ដើម្បីឱ្យគ្រួសារមានសុភមង្គល។

ប៊ីរីយ៉ា បន្ថែមថារឿងភាគថ្មីត្រៀមចេញថតនាពេលខាងមុខ គឺរឿង "នារីបេះដូងដែកប៉ះអង្គរក្សចិត្តខ្លាំង" របស់ផលិតកម្ម LD Picture ដោយចាប់ដៃគូជាមួយតារាសម្ដែងស្រស់សង្ហាលោក អែត វីន។

តារាសម្ដែង និងជាតារាម៉ូដែល អ្នកនាង ប៊ីរីយ៉ា ទើបប្រកាសចូលសិល្បៈឡើងវិញ កាលពីពេលថ្មីៗនេះ ក្រោយអ្នកនាងរៀបការ និងសម្រាលកូនរួច។ ការត្រឡប់ចូលសិល្បៈឡើងវិញ តារាសម្ដែងរូបនេះ នៅតែមានទីផ្សារខ្ពស់មិនចាញ់តារាដទៃនោះទេ។ ចំពោះហេតុផល ដោយសារអ្នកនាង មានការព្យាយាម និងគោរព ពេលវេលាល្អ ទើបធ្វើឱ្យក្រុមផលិតករទុកចិត្ត៕

ច្នៃសំរាមអស់តែ ៣៥០ដុល្លារ បានបារកម្សាន្តមួយដ៏ស្រស់ស្អាត

បារកម្សាន្តមួយស្ថិតនៅផ្លូវតូច ជាប់ជញ្ជាំងបុស្តិ៍នគរបាលទន្លេបាសាក់ ទល់មុខសកលវិទ្យាបៀលប្រាយ ត្រូវកញ្ញា កែវ ចិត្តា យកសំរាមមកច្នៃតុបតែងលំអយ៉ាងស្រស់ស្អាត ដោយចំណាយអស់ប្រាក់ត្រឹមតែ ៣៥០ដុល្លារប៉ុណ្ណោះ។

ម្ចាស់បារ Back Street Bar រូបនេះ បានអោយដឹងថា សំរាមដែលកញ្ញាយកមកតុបតែង ធ្វើតុ ឬអ្វីផ្សេង ជំនួសសម្ភារៈផលិតពីឈើ និងដែកទាំងនោះរួមាមាន សំបកកង់ឡាន កំប៉ុងភេសជ្ជៈ ធុងសាំង ដបទឹកសុទ្ធ សំបកដូងទុំ ដើមស្លា ធុងថ្នាំលាប កាកអំពៅ និង រូបសិល្បៈ ច្នៃពីសំណល់ផ្ទះបាយ ដូចជា សំបកពងទា ពងមាន់ ស្រកាត្រី កាកអំពៅ និងដើមល្ហុង គាវត្នោត ព្រោះចង់ឱ្យមានភាពទាក់ទាញ និងរក្សាអនាម័យបរិស្ថាន ជាដើម។

កញ្ញា កែវ ចិត្តាបានបន្ថែមថា បើគិតពីការចំណាយលើការរចនានេះ អស់ ៣៥០ ដុល្លារប៉ុណ្ណោះ ព្រោះសម្ភារៈច្នៃទាំងនេះ កញ្ញារើសមកពីកន្លែង ដែលគេបោះចោល និងទិញក្នុងតម្លៃថោក។ បើគិតមកដល់ពេលនេះ Back Street Bar ទើបតែបើកបានតែ ៣ខែប៉ុណ្ណោះ តែអ្វី ដែលគួរឲ្យចាប់អារម្មណ៍ បារមួយនេះ មានភ្ញៀវខ្មែរ និងបរទេស មកឥតដាច់៕