អស់ព្រួយរឿងចោរលូកហោប៉ៅលួចទូរសព្ទ បើអ្នកមានឧបករណ៍ C-Safe

2017-06-02 04:13:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ឧបករណ៍ C-Safe ដែលបង្កើតឡើងដោយក្រុមហ៊ុនរបស់ប្រទេសស៊ុយអែត ហាក់បីកំពុងទទួលបានការចាប់អារម្មណ៍ខ្ពស់ពីសំណាក់អ្នកប្រើប្រាស់ស្មាតហ្វូន ទាំងដែលវាមិនទាន់ចេញលក់ជាផ្លូវការក៏ដោយ។

វាជាប្រភេទឧបករណ៍មេកានិចម្យ៉ាង ដែលស្រដៀងទៅនឹងដែកឆក់សម្រាប់ទុកភ្ជាប់នឹងស្មាតហ្វូននៅក្នុងហោប៉ៅឫកាបូបយួរដៃ ដោយបង្កទំនុកចិត្តខ្ពស់ ជៀសឆ្ងាយពីបញ្ហាចោរលួចលូកហោប៉ៅនិងមិនប្រយ័ត្នធ្លាក់ចេញទូរស័ព្ទពីកាបូបជាដើម។ នៅពេលដែលអ្នកទម្លាក់ C-Safe ភ្ជាប់ទៅនឹងខ្នងស្មាតហ្វូន ហើយដាក់ស្មាតហ្វូនទៅក្នុងហោប៉ៅនោះជាតិមេកានិចនឹងស្អិតជាប់ភ្លាមៗ ដូចទៅនឹងស្ករកៅស៊ូអ៊ីចឹង ឧបមាបើនរណាម្នាក់មានបំណងអាក្រក់ចង់លួចទូរស័ព្ទអ្នក វានឹងដាស់អារម្មណ៍ឱ្យអ្នកដឹងភ្លាមៗ។

ឧបករណ៍ C-Safe មិនតម្រូវការប្រើប្រាស់ថ្ម ការប្រើប្រាស់ប្រព័ន្ធអ្វីទាំងអស់ ហើយវាមានភាពធន់ រហូតដល់សាកល្បងដាក់ឱ្យរថយន្តកិនក៏មិនប្រេះស្រាំដែរ មួយវិញទៀតបើអ្នកចង់ដោះវាចេញពីស្មាតហ្វូនឫឧបករណ៍ណាមួយ អ្នកគ្រាន់តែចុចសង្ក់តលើ C-Safe ឱ្យខ្លាំង នោះវានឹងរបូតចេញមកវិញ។

ទាក់ទងនឹងតម្លៃរបស់វា ខាងក្រុមហ៊ុនរបស់ប្រទេសស៊ុយអែតនិងគេហទំព័រផ្លូវការ នៅមិនទាន់ប្រកាសប្រាប់នោះទេ ទាំងថ្ងៃបរិច្ឆេទចេញលក់ច្បាស់លាស់ ដោយគ្រាន់បង្ហើបថានឹងមានលក់ក្នុងពេលឆាប់ៗខាងមុខនេះ។

ប្រភព៖ csafe ប្រែសម្រួល៖ កៅ រក្សា