កាល​ពី​ជាង ១៨ ម៉ោង​មុន​គណនី​ Twitter ឈ្មោះ​ Benjamin Geskin បាន​បង្ហោះ​រូប​ជា​ច្រើន​សន្លឹក​បង្ហាញ​ពី​រូបរាង​ iPhone 8 កាន់​នៅ​ក្នុង​ដៃ​ដែល​មាន​ឃើញ​មាន​ទ្រនាប់​ស្កេន​ក្រយៅ​ដៃ​នៅ​ផ្នែក​ខាង​ក្រោយ។

ការ​បង្ហោះ​រូបភាព​ជា​ច្រើន​សន្លឹក​នេះ​មិន​មាន​បញ្ជាក់​​ព័ត៌មាន​លម្អិត​ថា​វា​ជា​រូបរាង​ពិត​ប្រាកដ​របស់ iPhone 8 ឬ​យ៉ាងណា​ទេ។ ប៉ុន្តែ​ប៉ុន្មាន​ម៉ោង​ក្រោយ​មក​គណនី​ដដែល​ក៏​បាន​បង្ហាញ​រូបភាព​ ថែម​ជា​មួយ​សារ​បញ្ជាក់​ប្រាប់​ថា​ រូបរាង​​ iPhone 8 នោះ​មិន​មែន​ជា​ការ​ឌីហ្សាញ​ពិត​របស់​ Apple ឡើយ ដូច​នេះ​​អ្នក​​ទន្ទឹង​រង់​ចាំ​ iPhone 8 កុំ​ទាន់​ខក​ចិត្ត។

​Benjamin Geskin ជា​គណនី​ Twitter ដ៏​ល្បី​មួយ​ដែល​កន្លង​មក​បាន​ចែក​ចាយ​ដំណឹង​លេច​ធ្លាយ​ជា​ច្រើន​ពី iPhone ជំនាន់​ថ្មី​ដែល​គ្រោង​នឹង​ប្រកាស​ ហើយ​ភាគ​ច្រើន​ជា​ដំណឹង​ត្រូវៗ​ទៀត​ផង៕

ប្រភព៖ 9to5Mac   ប្រែ​សម្រួល៖ សុខហេង