រថយន្តក្រុងអគ្គិសនីថ្មីមួយទៀត បញ្ចូលថ្មម្ដង ត្រឹម ១ ម៉ោងជិះបានជិត ៣០០ គីឡូម៉ែត្រ

2017-06-06 02:45:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតរថយន្តរបស់ប្រទេសកូរ៉េ Hyundai បានធ្វើការប្រកាសបញ្ចេញនូវប្រភេទរថយន្តក្រុងអគ្គិសនីមានឈ្មោះថា Elec City កាលពីពេលថ្មីៗនេះ។

បំពាក់នូវអាគុយកម្លាំង ២៥០ គីឡូវ៉ាត់/ម៉ោង ការសាកបញ្ចូលថាមពលថ្មមួយពេញរបស់វា ចំណាយពេលត្រឹមតែ ១ ម៉ោងប៉ុណ្ណោះ។ សម្រាប់ការបញ្ចូលមួយពេញ អាចជិះបានក្នុងចម្ងាយដី ២៩០ គីឡូម៉ែត្រ។ រថយន្តក្រុងខាងលើ ត្រូវបានក្រុមហ៊ុន Hyundai បញ្ជាក់ នឹងបើកដំណើរការចេញលក់ជាផ្លូវការនាឆ្នាំ ២០១៨ ។

យ៉ាងណាមិញរបាយការណ៍ពាក្យចចាមអារ៉ាមមួយផ្សេងទៀត បានចុះផ្សាយក្រុមហ៊ុន Preterra របស់អាមេរិក ក៏នឹងចេញលក់ប្រភេទរថយន្តក្រុងអគ្គិសនី Catalyst E2 ស្រដៀង Hyundai ដែលមានផ្ទុកអាគុយកម្លាំង ៦៦០ គីឡូវ៉ាត់/ម៉ោង ហើយអាចធ្វើដំណើរក្នុងចម្ងាយដី ៥៦៣ គីឡូម៉ែត្រសម្រាប់ការសាកមួយពេញម្ដង ដោយគ្រោងនឹងចេញលក់លើទីផ្សារនាឆ្នាំ ២០១៧ នេះ។

រំលឹកថាសម្រាប់ក្រុមហ៊ុន Hyundai ឯណោះវិញ ជុំវិញសង្វាក់ផលិតកម្ម នៃរថយន្តអគ្គិសនី ហាក់បីជាមានកំណើនតិចមែនទែន ខណៈបច្ចុប្បន្នខ្លួនចេញលក់រថយន្ត ៣ ប្រភេទរួមមាន ប្រភេទ Hybrid, Plug-in Hybrid និង Elctric (អគ្គិសនី) ។

បន្តចុចអាន៖

ប្រភព៖ theverge ប្រែសម្រួល៖ កៅ រក្សា